O‘zbekistonda Renault avtomobillari rasman sotuvga chiqdi. Bu haqda ushbu kompaniyaning mahalliy hamkori — Roodell kompaniyasi matbuot xizmati xabar berdi.
Renault O‘zbekistonda uchta model — Arkana kupe-krossoveri, Kaptur shahar krossoveri va Duster yangi avlod yo‘ltanlamasini chiqaradi. Hozirda sotuvda faqat ikkita model bor — Renault Arkana va Renault Kaptur.
Renault Uzbekistan saytida keltirilishicha, Arkana kupe-krossoveri uchta komplektatsiyada taklif etiladi:
- Life — 239 046 500 so‘mdan;
- Drive — 262 759 200 so‘mdan;
- Style — 281 947 800 so‘mdan.
- Life — 228 937 300 so‘mdan;
- Drive — 252 650 100 so‘mdan;
- Style — 276 518 900 so‘mdan.
Renault avtomobillari narxlari oktabr oyining o‘rtalarida ham e’lon qilingandi. Ammo rasmiy vakillar bu narxlar yakuniy belgilangan narxlar emasligi va unda o‘zgarishlar bo‘lishi mumkinligini bildirgan.
Eslatib o‘tamiz, O‘zbekistonda Fransiyaning Renault avtomobillarini yig‘ishni yo‘lga qo‘yish rejalashtirilayotgani 2020-yilning oxirlarida ma’lum bo‘lgandi. Bu haqda 2021—2023-yillarga mo‘ljallangan Investitsiya dasturi tasdiqlangan Prezident qarorida keltirilgan.
O‘zbekistonlik xaridorlar uchun avtomobillar ADM-Jizzakh zavodida yig‘iladi. Bu yerda Renault’dan tashqari Kia va Lada ishlab chiqariladi. Prezident Shavkat Mirziyoyev 21-oktabr kuni mazkur zavodga tashrif buyurib, ish jarayonini ko‘zdan kechirgandi.
Izoh (0)