Bugun,

  • USD 11095.31
  • RUB 173.84
  • EUR 10772.44

O‘zbekistonda Ai-80 benzinida voz kechish ko‘zda tutilgan. Bu haqda “O‘zbekneftgaz” AJ departamenti direktori Xushnudjon Mahmudov AOKAda o‘tkazilgan matbuot anjumanida ma’lum qildi.

“Ai-80 benzin haqida ko‘p gaplar bo‘lyapti. Bizning — ‘O‘zbekneftgaz’ning o‘z strategiyamiz bor. Ai-80 benzindan 2022-yildan boshlab bosqichma-bosqich voz kechib, uni yanada sifatli mahsulot qilib ishlab chiqarish ustida ishlayapmiz. Bu bo‘yicha qo‘shimcha axborot beriladi”, — deydi “O‘zbekneftgaz” vakili.

Eslatib o‘tamiz, 2020-yil 1-maydan boshlab Ai-80 markali avtomobil benzini va dizel yoqilg‘isi (shu jumladan, EKO markali dizel yoqilg‘isi) chakana narxlarini davlat tomonidan tartibga solish bekor qilindi. Shundan so‘ng 3-maydan boshlab Ai-80 benzinining narxi 500 so‘mga pasayib, bir litri 4000 so‘mdan sotila boshladi. 2020-yilning dekabrida mazkur markadagi benzinining o‘rtacha boshlang‘ich narxi 2,6 foizga ko‘tarilgandi. 2021-yilning yanvar oxirlarida Ai-80 benzini narxi 110 so‘mga qimmatlashgan, 2021-yilning fevralida ushbu benzin narxi qariyb 5 foizga oshgandi. Mart oyida 1,4 foizga pastlagan bo‘lsa, aprel oyida 0,2 foizga, may oyida 3 foizga yana oshgan. Toshkentda iyun oxirlarida eng xaridorgir Ai-80 markadagi benzin narxi 6000 so‘mga ko‘tarilgani ijtimoiy tarmoqlar foydalanuvchilari o‘rtasida qizg‘in muhokamalarga sabab bo‘lgandi.

Izoh
Asosiy yangiliklar
Dunyo
Turkiyada turar joy binosidagi portlash oqibatida 6 kishi jarohat oldi
Mahalliy
Toshkentda Lacetti Nexia-3 bilan to‘qnashib, olti nafar piyodani ham urib yubordi
Madaniyat
“Ummon” guruhining ikki oydan ko‘proq komada bo‘lgan xonandasi Zohid Risqiyev o‘ziga keldi (video)