O‘zbekistonda 2021-yil 9 oyida qancha baliq ovlangani ma’lum bo‘ldi

O‘zbekistonda yanvar—sentabr oylarida jami 70 275 tonna baliq ovlandi, deb xabar bermoqda Statistika qo‘mitasi.

Ma’lum bo‘lishicha, ko‘rsatkich 2020-yilning mos davriga nisbatan 12,2 foizga oshgan. Ovlangan baliqning 37 693 tonnasi yoki 53,6 foizi qishloq xo‘jaligi tashkilotlarida qayd etilgan. 4 861 tonnasi (6,9 foizi) esa dehqon (shaxsiy yordamchi) xo‘jaliklarida kuzatilgan.

Shu davr mobaynida o‘tgan yilning mos davriga nisbatan fermer xo‘jaliklarida 16,3 foizga va qishloq xo‘jaligi faoliyatini amalga oshiruvchi tashkilotlarda esa 11,5 foizga o‘sish qayd etilgan. Dehqon xo‘jaliklarida aksincha 2,8 foizga kamayish kuzatilgan.

Bundan tashqari, hududlar kesimida ovlangan baliq hajmi ma’lum bo‘lgan:

• Qoraqalpog‘iston – 7299 tonna;
• Andijon – 6940 tonna;
• Buxoro – 6123 tonna;
• Jizzax – 5100 tonna;
• Qashqadaryo – 4812 tonna;
• Navoiy – 7425 tonna;
• Namangan – 2126 tonna;
• Samarqand – 6025 tonna;
• Surxondaryo – 2507 tonna;
• Sirdaryo –2912 tonna;
• Toshkent – 5407 tonna;
• Farg‘ona – 5201 tonna;
• Xorazm – 8398 tonna.