Yunusjon Nasimjonov Toshkent shahar davlat soliq boshqarmasi boshlig‘i lavozimiga tayinlandi, deb xabar beradi Telegram’dagi “Davletovuz” kanali.
Eslatib o‘tamiz, Yunusjon Nasimjonov 2020-yilning dekabrida Prezident qarori bilan Davlat soliq qo‘mitasi raisining o‘rinbosari lavozimiga tayinlangandi.
Yunusjon Nasimjonov 1967-yil Toshkent shahrida tavallud topgan. U 2020-yil mart oyida O‘zbekiston Prezidenti farmoyishiga asosan Jizzax viloyati davlat soliq boshqarmasi boshlig‘i etib tayinlangandi. Yunusjon Nasimjonov o‘z vaqtida Farg‘ona viloyati davlat soliq boshqarmasi boshlig‘i sifatida ham ishlagan.
Avvalroq 2018-yildan beri Toshkent shahar davlat soliq boshqarmasi boshlig‘i sifatida faoliyat yuritib kelgan Normat Tursunov Navoiy viloyati hokimi vazifasini bajaruvchi etib tayinlangani to‘g‘risida xabar berilgandi.
Izoh (0)