Kuba prezidenti Migel Dias-Kanel 14-noyabr kuni Gavana markazidagi mamlakat rahbariyatini qo‘llab-quvvatlash maqsadida o‘tkazilgan namoyish ishtirokchilari bilan uchrashdi, deb xabar beradi “TASS”.
“Kuba tinch va osuda hayotda yashaydi, biz mamlakatni yanada yaxshi qilamiz”, — deydi davlat rahbari. Tadbir tashkilotchilarining ma’lum qilishicha, ular respublikaning ichki ishlariga chetdan aralashuv va AQShning savdo-iqtisodiy embargosiga qarshi chiqish qilmoqda.
13-noyabr kuni Kuba tashqi ishlar vaziri Bruno Rodriges Parrilya oroldagi vaziyatni izidan chiqarishni istovchilar o‘z maqsadlari yo‘lida ijtimoiy tarmoqlarda foydalanayotganini, Facebook va Twitter’dagi moderatorlar esa platformalar algoritmlarini manipulyatsiya qilgan holda bu kabi dushmanlik tashabbuslarini ma’qullayotganini ma’lum qilgandi.
Avvalroq Kuba rahbariyatining muxoliflari 15-noyabr kuni respublikaning yirik shaharlarida hukumatga qarshi yurishlar o‘tkazish uchun ariza bergan edi. Mahalliy hukumat aksiyalarni tashkillashtirishni rad etgan, ularning fikricha, shu kabi harakatlar respublikadagi vaziyatni beqarorlashtirishga yo‘naltirilgan. Rad javobini olgan arizachilar fuqarolarni ko‘chalarga chiqishga chaqirmoqda. Kuba Bosh prokuraturasi hukumatga qarshi ommaviy norozilik namoyishlariga chaqirayotgan bir necha faollarga ogohlantirish bergan.
Izoh (0)