Toshkent viloyati O‘rta Chirchiq tumanida 5-noyabr kuni bir oilaning uch nafar a’zosi is gazidan zaharlandi. Bu haqda tuman hokimi Olimjon Nurmatovning qarorida so‘z boradi.
Ma’lum qilinishicha, tumanning “Adolat” mahallasida joylashgan xonadonlarning birida yashovchi fuqarolar — 1967-yilda tug‘ilgan B.A., 1995-yilda tug‘ilgan M.M. va 2008-yilda tug‘ilgan M.A. noma’lum gazdan zaharlanish baxtsiz hodisasi bilan Nurafshon shahar tibbiyot birlashmasiga qarashli shoshilinch tez yordam bo‘limiga olib kelingan.
6-noyabr kuni 2008-yilda tug‘ilgan M.A Nurafshon shahar tibbiyot birlashmasiga qarashli Bolalar shifoxonasida vafot etgan.
O‘rta Chirchiq tumani hokimining tegishli qarori bilan tumanda baxtsiz hodisa sodir bo‘lganda uning sabablarini tekshirish bo‘yicha dastlabki zarur choralarni ko‘rish, baxtsiz hodisa sabablarini tekshirish komissiyasi tarkibi tasdiqlangan.
Avvalroq Samarqandda bir oilaning to‘rt a’zosi, Urgutda esa ayol va uning ikki nafar voyaga yetmagan farzandi is gazidan zaharlanib, vafot etgani to‘g‘risida xabar berilgandi.
Mavzuga doir:
- Kosonda 61 yoshli fuqaro, Chiroqchida esa bir yoshli chaqaloq isitish moslamalaridan kelib chiqqan yong‘in oqibatida vafot etgani ma’lum qilindi
- Samarqandda 10 kunda sakkiz kishi is gazidan zaharlanib, vafot etdi. Ularning besh nafari — bolalar
- Toshkentda 5 talabaning zaharlanib vafot etishida ayblangan ijarachi ayolga sud hukmi o‘qildi
Izoh (0)