Gretsiya bosh vaziri Kiriakos Mitsiotakis Buyuk Britaniyadan bir qismi Londonda saqlanayotgan Parfenon haykallarini qaytarishni talab qildi. Bu haqda u YuNESKOning tashkil etilganiga 75 yil to‘lishi munosabati bilan Parijda o‘tkazilgan tadbirda ma’lum qilgan, deb xabar beradi “RBK”.
“Londonda saqlanayotgan Parfenon haykallari Afinadagi kolleksiyaning katta qismi bilan birlashtirilishi lozim deb hisoblayman”, — deydi Mitsiotakis.
Parfenon (grekcha — “bokira qiz”) — Akropoldagi (Afina) ma’buda Afina ibodatxonasi, yunon me’morchiligi san’atining ulkan yodgorligi hisoblanadi. U miloddan avvalgi 447—438-yillarda Iktin va Kallikrat tomonidan qurilgan bo‘lib, ibodatxonada katta sellalar (diniy haykallar uchun xonalar) va kichik xonalar (xuddi ibodatxona kabi “Parfenon” deb nomlangan) mavjud — ular xazina saqlash uchun mo‘ljallangan.
Ma’lumot uchun, Buyuk Britaniyada Parfenonning metoplari va haykallari, “Panafineya o‘yinlari” relyefli frizi, Afinadagi Nika ibodatxonasidan olingan friz plitalari, Erexteyon karyatidlaridan biri (to‘sinli tomlarni ko‘tarib turuvchi ayol qiyofasidagi haykal-ustun) va Dionis haykali mavjud. Ularni Gretsiyadan Britaniyaning Konstantinopoldagi elchisi lord Elgin 1802—1812-yillarda olib chiqib ketgan. Greklarning hisoblashicha, u qadimiy yodgorliklar namunalarini noqonuniy, pora berish orqali amalga oshirgan va uzoq yillardan beri ularni qaytarishga urinmoqda.
Mavzuga doir: Fotogalereya: Taqiqlangan kitoblar ibodatxonasi
Izoh (0)