Qiziqchi Avaz Oxun “Daryo” internet-nashriga eksklyuziv intervyu berdi. Intervyuni “Daryo” muxbiri Feruz Muhammad tashkillashtirdi.
Suhbat davomida Avaz Oxun rulda uxlab qolib, oilaviy avtohalokatga uchragani va o‘sha kunni hayotidagi eng og‘ir kun deb hisoblashi haqida gapirib berdi.
Oilaviy avtohalokatga uchragan kunim, juda og‘ir ahvolga tushganman. O‘shanda endi tanilgan vaqtim edi. Andijon Qo‘qon katta trassasida ayolim, qizim bilan ketayotgan edik, u vaqtda boshqa bolalarim yo‘q edi. Qizimga “qol, qol, desak ham, men ham ketaman”, deb turib olgan edi.Ma’lumot uchun, Avaz Oxun 1983-yil, 27-aprelda Andijon viloyati Asaka tumanida tug‘ilgan. O‘zbekiston davlat San’at va madaniyat institutini tugatgan. 2014-yil “Turkiston” san’at saroyida “Yangisini eshitdingizmi”, Xalqlar do‘stligi san’at saroyida 2015-yil “O‘zimizning gaplar”, 2016-yil “Samimiy kulgi”, 2017-yil “7 dan, 70 gacha”, 2018-yil “Yangisi yangida”, 2019-yil “O‘zbekcha kulgi”, 2020-yil Zo‘r TV kanalida harbiylar uchun konsert dasturlarini taqdim etgan. 2021-yil “Kulgilaringizni sog‘indim” konsert dasturini taqdim etish arafasida. Oilali, to‘rt farzandning otasi.Sahar vaqtida katta yo‘lda ketayotganimizda ko‘zim ketib qolib, rulda uxlab qolganman. Niyat qilib, navbatlarda turib, birinchi marotaba Spark moshinasini olgan edim. Mashinani olganimga 3 kun bo‘lgandi. Vodiyga borib, uydagilar bilan ko‘rishib, qaytayotganimda shu hodisa bo‘lgan.
Moshina dumalab ketgan. Bir payt ko‘zimni ochsam, moshina ag‘darilib yotibdi. Qizim yig‘laganini eshitganimdan so‘ng, hushimga kelganman. Moshinaning eshigini ochib, chiqib, bitta qo‘lim bilan qizimni odamlarga uzatdim. Keyin bizni shifoxonaga olib ketishgan. Ilohim bunday holat hech kimning boshiga tushmasin.
Katta jarohat olmaganman, lekin juda og‘ir kun bo‘lgan. Bir oy qulog‘im eshitmay yurgan. Shifoxonaga olib borishganda “Avaz keling qoningizni artib qo‘yay”, deyishganida ham, “menga tegmanglar bolamga qaranglar, bolamga yaxshiroq qaranglar, iltimos, menga tegmanglar, bolamga, bolamga”, deyaverganman. Bo‘lmasa o‘zim ham yordamga muhtoj bo‘lib turganman. Xudoga shukr, qizimni tekshirishganlaridan so‘ng soppa-sog‘ bo‘lgan.
Avaz Oxun, qiziqchi
Izoh (0)