Koreyaning mashhur “Kalmar o‘yini” serialining birinchi mavsumi tamoman boshqacha yakunlanishi mumkin edi. Bu haqda film rejssori Xvan Don-Xyok Entertainment Weekly’ga bergan intervyusida ma’lum qilgan, deb yozadi “Korrespondent.net”.
Loyihaning birinchi mavsumi finaliga ko‘ra, o‘yinda g‘olib bo‘lgan Son Gi-xun (456-o‘yinchi) qizini ko‘rish uchun AQShga borish fikridan qaytgan. Samolyotga chiqishdan avval fikrini o‘zgartirgan qahramon 455 nafar ishtirokchining o‘limiga sabab bo‘lgan o‘yindan o‘ch olishga qaror qiladi.
Rejissorning aytishicha, yakun uchun boshqa ssenariy ham bo‘lgan. “Aslida biz ikki xil, turli yakun topadigan ssenariy ustida tortishganmiz. Gi-xun samolyotga o‘tirib uchib ketadigan boshqa yakun ham bor edi. Albatta, u ortga qaytadigan variant ham bo‘lgan. Biz Gi-xunning uchib ketishga qaror qilgani va o‘z baxti uchun oilasini ko‘rishga borishi darhaqiqat to‘g‘rimi, deb savol berardik o‘zimizga. Bu biz serial orqali yetkazmoqchi bo‘lgan noma va savol berishning to‘g‘ri usuli edi”, – degan rejissor.
Natijada birinchi mavsum intriga bilan tugagan. Ta’kidlanishicha, nima uchun dunyo bu holga keldi, degan savolga, Gi-xun ortga qaytib, kameraga borsagina, javob topish mumkin, degan qarorga kelingan.
“Ikkinchi mavsumga aloqali ko‘plab izoh va savollar kelib tushadi. Asosiy voqealar rivoji bilan bog‘liq bir narsalar o‘ylab qo‘yganman. Ayni vaqtda detallar haqida o‘ylayapman, ammo Netflix bilan bog‘liq hech nima aniqlashtirilmagan”, – degan u. Avvalroq “Kalmar o‘yini” rejissori serialning davomini suratga olishga va’da bergani haqida xabar berilgandi.
Mavzuga doir:
Izoh (0)