Bugun,

  • USD 11095.31
  • RUB 173.84
  • EUR 10772.44

Pandemiya davrida Rossiya hududida qolib ketgan O‘zbekiston fuqarolarini vatanga olib kelish maqsadida yo‘lovchi poyezdining maxsus reyslari yo‘lga qo‘yiladi, deb xabar bermoqda “O‘ztemiryo‘lyo‘lovchi” AJ matbuot xizmati.

Ma’lum qilinishicha, Voljskiy—Toshkent yo‘nalishida 483-sonli yo‘lovchi poyezdining 5 ta maxsus reysi yo‘lga qo‘yiladi. Mazkur poyezdlar 2021-yil 15-, 19-, 22-, 26-, 29-noyabr kunlari soat 20:57 da Voljskiy—Toshkent yo‘nalishida harakatini amalga oshiradi.

Mazkur poyezdlarga faqat bir tomonga, ya’ni Voljskiy—Toshkent yo‘nalishiga chiptalar sotiladi. Chiptalarni elektron tarzda ham sotish yo‘lga qo‘yilgan.

Rossiyadagi fuqarolarning yaqinlari O‘zbekistonda turib, ularning shaxsini tasdiqlovchi hujjati nusxasi bilan “O‘zbekiston temir yo‘llari” sayti orqali “E-ticket.railway.uz”dan chiptalarni elektron tarzda xarid qilib olib, jo‘natishlari ham mumkin.

Qo‘shimcha ma’lumotlarni Toshkent shahrida 1005 qisqa telefon raqami, joylardagi temiryo‘l kassalari hamda ma’lumotlar byurosidan bilib olish mumkin.

Bundan avval Rossiyada qolib ketgan o‘zbekistonliklarni qaytarish uchun 22-, 25-, 29-oktabr hamda 1-noyabr kunlari 4 ta maxsus poyezd reysi yo‘lga qo‘yilgandi.

Izoh
Asosiy yangiliklar
Mahalliy
Virtual kartalar nima va ulardan qanday qilib to‘g‘ri foydalanish mumkin?
Dunyo
Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi
Mahalliy
Xorazmda ikki kishi is gazidan vafot etdi