10-noyabrga o‘tar kechasi Afg‘oniston hukumati tepasiga “Tolibon” harakati kelishi bilan Tojikistonda yashirinib kelgan 143 nafar afg‘on uchuvchisi AQSh yordamida mamalaktni tark etdi, deb xabar beradi “Interfaks”.
Afg‘on uchuvchilari bilan birga Afg‘onistondagi oilalari, jumladan, jurnalistlar ham tark etgan.
Tojik OAVlarining ma’lumotlariga ko‘ra, AQShning Dushanbedagi elchixonasi 191 nafar afg‘onni, jumladan, uchuvchilarni ham Tojikistondan uchinchi davlatga, u yerdan AQShda olib chiqib ketish niyatida ekanini tasdiqlagandi. Ma’lum qilinishicha, uchuvchilar orasida ikki nafar homilador ayol ham bo‘lgan, ular tojik tibbiyot xodimlari nazorati ostida bo‘lib kelgan.
Eslatib o‘tamiz, 16-avgust kuni O‘zbekiston Bosh prokuraturasi (keyinroq oxiriga qadar tekshirilmagani ma’lum qilingan) mamlakat havo makonini ichida 585 nafar afg‘on harbiy xizmatchisi bo‘lgan 22 ta harbiy samolyot va 24 ta vertolyot kesib o‘tgani to‘g‘risida xabar berilgandi. Kuzatuv davomida Embraer-314 va MiG-29 samolyotlari to‘qnashib, Surxondaryo viloyatining Sherobod tumani hududiga qulagan.
Avgust oyi oxirida The Wall Street Journal nashri rasmiy manbalarga tayanib, O‘zbekiston hukumati AQShni bir guruh yuqori malakali afg‘on uchuvchilari va ularning oilalarini mamlakatdan chiqarib yuborishga to‘g‘ri kelayotganidan ogohlantirgani haqida yozgan edi. O‘zbekiston “Tolibon” bilan “keskin munosabatlardan qochish” maqsadida AQShdan uchuvchilarni uchinchi mamlakatga ko‘chirish bo‘yicha tezkor choralar ko‘rishni so‘ragan. Sentabr o‘rtalariga kelib esa O‘zbekistondagi afg‘onistonlik uchuvchilar AQShning Dohadagi harbiy bazasiga olib ketilishi ma’lum bo‘lgandi. Keyinroq O‘zbekiston TIV barcha afg‘onistonlik harbiylar mamlakatni tark etganini e’lon qildi.
Izoh (0)