Bugun,

  • USD 11095.31
  • RUB 173.84
  • EUR 10772.44

Pokistonlik huquq himoyachisi, 2014-yilda tinchlik bo‘yicha Nobel mukofoti bilan taqdirlangan Malala Yusufzay turmushga chiqdi. Bu haqda uning o‘zi Twitter’da ma’lum qilgan.

Foto: Twitter

Foto: Twitter

“Bugun hayotimdagi unutilmas kun. Asser bilan umrimizning oxirigacha birga bo‘lish uchun turmush qurdik”, — deb yozgan Nobel laureati hamda postga turmush o‘rtog‘i bilan tushgan fotosuratlarni ilova qilgan.

24 yoshli Yusufzayning so‘zlariga ko‘ra, juftlik kichik to‘y qilgan. Marosim islom an’analari bo‘yicha ikki yoshning oila a’zolari ishtirokida qiz yashaydigan Birmingem shahri (Buyuk Britaniya)da bo‘lib o‘tgan.

Foto: Twitter

Foto: Twitter

Yusufzay 11 yoshida internet tarmog‘ida blog yurita boshlagan paytda tanilgan. Blogida qiz o‘zi tug‘ilib o‘sgan Xayber-Paxtunxva viloyatining Svat tumanida “Tolibon” harakatining shariat qonunlarini o‘rnatishga urinishlarini tanqid qilgan. 2012-yilning 9-oktabr kuni Malala maktabdan uyiga qaytayotganda, unga qurolli jangarilar hujum qilgan, qiz boshi va bo‘ynidan jarohatlangan. Reabilitatsiya kursidan o‘tgach, Yusufzay 2013-yilda huquq himoyachiligiga qaytdi.

2014-yilda Yusufzay Tinchlik bo‘yicha Nobel mukofoti bilan taqdirlandi va tarixdagi eng yosh laureatga aylandi. Ilgari bu maqomga 1915-yilda 25 yoshida Nobel olgan ingliz fizigi Lourens Bregg ega bo‘lgandi.

Ma’lumot uchun, 2021-yilda tinchlik bo‘yicha Nobel mukofotiga Rossiyaning “Novaya gazeta” nashri bosh muharriri Dmitriy Muratov va filippinlik jurnalist, Rapple muxolifatchi sayti rahbari Mariya Ressa sazovor bo‘ldi. Nobel mukofoti ularga “demokratiya hamda barqaror tinchlik o‘rnatilishining dastlabki sharti bo‘lgan fikr bildirish erkinligini himoya qilish bo‘yicha intilishlari” uchun berilgan.

Izoh
Asosiy yangiliklar
Mahalliy
Shavkat Mirziyoyev Qoraqalpog‘iston va Farg‘ona vodiysida suv ta’minotini yaxshilashga oid taqdimot bilan tanishdi (foto)
Madaniyat
Tomoshabinlar mehriga sazovor bo‘lgan eng go‘zal turk aktrisalari (foto)
Mahalliy
Markaziy bank xorijiy valyutalarning so‘mga nisbatan yangi qiymatini e’lon qildi