Dunyo va o‘zbek sportiga oid 10-noyabr kunining eng muhim xabarlari dayjesti bilan tanishing.
O‘zbekiston
Superliganing oktabr oyidagi eng yaxshilari aniqlandiO‘zbekiston professional futbol ligasi (PFL) oktabr oyining eng yaxshilarini aniqlash uchun o‘tkazilgan so‘rovnoma natijalarini e’lon qildi.
Unga ko‘ra, “Nasaf” bosh murabbiyi Ro‘ziqul Berdiyev oktabr oyining eng yaxshi murabbiyi deb topildi. Qarshi klubi Berdiyev qo‘l ostida 3 o‘yin o‘tkazib, 2 g‘alaba 1 durang qayd etdi. To‘plar nisbati esa 3:1 ni tashkil qildi.
“Qizilqum” hujumchisi Elguja Grigalashvili esa oyning eng yaxshi futbolchisi deb topildi. U o‘tgan oyda 3 o‘yinda o‘z nomiga 3 ta gol yozdirib qo‘ydi.
Shuningdek, uning “Turon” darvozasiga kiritgan goli oktabr oyining eng chiroyli goli deb topildi.
Jahon
Jerrard “Vest Hem”ni boshqaradi, u klub tarixidagi eng ko‘p maosh oluvchi murabbiyga aylanadi
“Reynjers” bosh murabbiyi Stiven Jerrard yaqin orada “Aston Villa”ni boshqaradi.
Birmingham Live jurnalisti Eshli Prisning so‘zlariga ko‘ra, kelishuvning barcha tafsilotlari hal qilingan. 41 yoshli mutaxassis tez orada o‘z shtabini shakllantiradi.
Daily Record’ning xabar berishicha, “Aston Villa” Jerrard uchun “Reynjers”ga tovon puli sifatida 2—3 million funt to‘laydi. Mutaxassisning o‘zi esa “Aston Villa” tarixidagi eng ko‘p maosh oladigan murabbiyga aylanadi.
Fatining jarohati jiddiy bo‘lib chiqmadi
“Barselona” vingeri Ansu Fatining jarohati kutilganidek jiddiy bo‘lib chiqmadi.
Avvalroq 19 yoshli yarim himoyachi “Selta”ga qarshi o‘yinda (3:3) olgan jarohati tufayli kamida bir oyga safdan chiqqani haqida xabar berilgandi.
Biroq Mundo Deportivo Fatiga jarohatdan forig‘ bo‘lish uchun uch haftadan kamroq vaqt kerak bo‘lishini ma’lum qildi.
Qayd etish kerak, bungacha jarohati tufayli deyarli bir yil davomida maydonga tusha olmagan Fati shu yilning sentabr oyida safga qaytgandi.
Konte “Tottenhem” futbolchilariga ketchup va mayonez iste’mol qilishni taqiqladi
“Tottenem”ning yangi bosh murabbiyi Antonio Konte jamoada bir qancha yangiliklarni joriy qildi.
Mutaxassis birinchi mashg‘ulotdayoq jamoadagi ba’zi o‘yinchilarga ularda ortiqcha vazn borligini ochiqchasiga aytgan. Konte majburiy jamoaviy tushlikni joriy qilgan. Jamoa menyusidan hazm bo‘lishi qiyin bo‘lgan taomlar va sendvichlar olib tashlangan, shuningdek, murabbiy futbolchilarga ketchup va mayonezni ham taqiqladi.
Shu bilan birga, Konte futbolchilarni ko‘proq meva iste’mol qilishga chaqirgan.
Avvalroq “Barselona”ning yangi bosh murabbiyi Xavi jamoada yangi qoidalarni joriy qilgani haqida xabar berilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)