AQShning Janubiy Dakota shtatidagi Skotlend shahrida noma’lum shaxs otishma sodir etdi. Hodisa oqibatida ikki kishi halok bo‘ldi, yana uch kishi yaralandi. Bu haqda mahalliy Dakota News Now nashri xabar berdi.
Nashr ma’lumotlariga ko‘ra, voqea 9-noyabr kuni kechqurun sodir bo‘lgan. Jabrlanuvchilardan biri og‘ir tan jarohati bilan kasalxonaga yotqizilgan. Qolgan ikki nafari voqea joyini o‘zlari tark etgan, ularning hayoti va sog‘lig‘iga hech qanday xavf yo‘q.
Qayd etilishicha, otishma sodir etgan shaxs qo‘lga olingan. Politsiya uning nega bunday qilganini tekshirmoqda.
Ayni paytda internet foydalanuvchilarining xabariga ko‘ra, hujumchi shahar bo‘ylab yugurib yurgan va beixtiyor odamlarga qarata o‘q uzgan. Hodisa qurbonlari ota va uning qizi bo‘lgan.
Oktabr oyi o‘rtasida Norvegiyada kamon va nayza bilan qurollangan erkak o‘tkinchilarga hujum qilgandi. Politsiya xabariga ko‘ra, hujum oqibatida besh kishi halok bo‘lgan, yana uch kishi, jumladan, bir politsiyachi jarohatlangan. Hujum haqida rasmiylarga birinchi xabar kelib tushganidan, taxminan, yarim soat o‘tgach, gumonlanuvchi qo‘lga olingan.
25-iyun kuni Germaniyada noma’lum shaxs o‘tkinchilarga pichoq bilan hujum qilgandi. Hodisa oqibatida uch kishi halok bo‘lgan, kamida olti kishi jarohatlangan.
Avvalroq Xitoyda noma’lum shaxs pichoq bilan bolalar bog‘chasiga hujum qilib, 16 nafar bola va 2 tarbiyachini yaralagan edi. Shuningdek, Gruziyada qurollangan shaxs bankka bostirib kirib, odamlarni garovga olgani haqida xabar berilgan.
Mavzuga doir:
- AQSh Kongressi binosi oldidagi to‘siqqa mashina kelib urildi. Haydovchining hujumi tufayli politsiyachi halok bo‘ldi
- Qozog‘istonlik erkak uni uyidan majburan ko‘chirib yuborishga kelgan sud ijrochilari va politsiyachilarni otib tashladi
- AQSh Mudofaa vazirligi yonida otishma yuz berdi, bir politsiyachi halok bo‘ldi
Izoh (0)