“Xalqchil yondashuv”. Hech kimga muhtojligi yo‘q va hayoti yaxshi bo‘lishiga ishonadigan hunarmand ayol hikoyasi

Chiroyli, hashamatli uying bo‘lsa-yu, mahallang notinch bo‘lsa, unda halovat bo‘lmaydi. “Xalqchil yondashuv”ning navbatdagi qahramoni — ota kasbini davom ettirayotgan hunarmand Xolida Rahimova shunday deb hisoblaydi.

11 yoshimda otamdan hunar o‘rgandim. Yoshligim mehnat bilan o‘tdi. Birov eshigimizni taqillatib, qarzingni ber, demagan yoki otam birovning eshigini taqillatib, muhtojmiz, demagan.

Oilamizni, turmush sharoitimizni o‘rganishdi, nima muammo bo‘lsa, ayting, hal qilamiz, deyishdi. Yaqinda kredit olib, uskunalarni yangiladim.

Farzandimdan, yurtimizning tinchligidan kuch olaman. Inson harakatdan to‘xtamasligi kerak, bugun halol mehnat qilgan odamning hayotida albatta o‘zgarish bo‘ladi, men bunga ishonaman...

Xolida Rahimova, hunarmand