Eronlik talabalar tomonidan Tehrondagi AQSh elchixonasi garovga olinganiga 42 yil to‘ldi. Eronda bu sana qanday nishonlandi? (foto)

Eronda 1979-yil 4-noyabr kuni islom inqilobini qo‘llab-quvvatlovchi eronlik talabalar AQShning Tehrondagi elchixonasiga bostirib kirib, u yerdagi diplomatlar, texnik xodimlar va dengiz piyodalarini garovga oldi. AQSh tutqunlarni ozod qilish uchun harbiy operatsiya uyushtirishga harakat qildi, ammo bu muvaffaqiyatsizlik bilan tugadi. Elchixonadagilar faqatgina 1981-yil 20-yanvardagi muzokaralar natijasida ozod qilindi. Bungacha 52 kishi 444 kun davomida garovda saqlangan. Eron har yili Amerika elchixonasi bosib olinganining yilligini nishonlaydi. 2021-yilda bu tadbir qanday o‘tgani haqida Meduza fotoreportaj tayyorladi.