Kanar orollari tarkibiga kiruvchi Palma orolida bir oydan oshdiki, Kambre-Vyexa vulqoni otilishdan to‘xtamayapti. Oroldagi ko‘chalar, uylar va yo‘llar qalin kul bilan qoplangan.
Palma oroli tanib bo‘lmas darajada o‘zgardi. Vulqon kuli hamma joyda — hovlilar, tomlar va oyoq ostida gilamdek to‘shalgan. Asosan tez yordam mashinalari va politsiyachilar harakatlanadigan yo‘llar ham kul bilan qoplangan.
Ko‘plab odamlar uylaridan ayrildi. Oroldagi mingdan ortiq binolar butunlay vayron bo‘lgan. Yetti mingdan ortiq odam evakuatsiya qilindi.
Palmadagi vulqon otilishi 19-sentabrda boshlangan, o‘n kundan keyin lava okeanga yetib kelgan. Mutaxassislarning fikricha, vulqon otilishi bir necha oy davom etishi mumkin.
Izoh (0)