Antibiotiklarni qachon qabul qilgan va qanday hollarda ulardan tiyilgan ma’qul?

Antibiotiklar yallig‘lanish qarshi samarali ta’sir ko‘rsatadi, ammo istalgan dori vositasi singari ularni qabul qilganda ham ehtiyot bo‘lish muhimdir. Shifokorlarning ogohlantirishicha, antibiotiklarni nazoratsiz qabul qilish, dozani oshirib yuborish yoki qabul qilish qoidalariga rioya qilmaslik va o‘zboshimchalik qilish infeksiyani surunkaliga aylanishiga sabab bo‘lishi mumkin. Qachon antibiotiklarni qabul qilsa bo‘ladi, qanday vaqtlarda esa yo‘qligi haqida ma’lumot berib o‘tamiz.

Quloq kasalligi infeksiyalarida

Quloq kasalliklariga sabab bo‘ladigan aksariyat infeksiyalarda, xususan, ikki yoshdan katta bolalardagi alomatlarda darhol antibiotik qabul qilmaslik kerak. Bir-ikki kun o‘tgandan keyin ham belgilar yo‘qolmasa, shifokorga murojaat qilish hamda uning ko‘rsatmalariga rioya qilish kerak.

Mumkin

Kuchli va lo‘qillaydigan og‘riq hatto bir necha kundan keyin ham qolmasa antibiotik qabul qilish kerak bo‘ladi.

Teri allergik kasalligi — ekzemada

Antibiotiklar teri qizarishi va qichishida yaxshi yordam bermasligi mumkin. Shu bois ekzemaga xos belgilar kuzatilganda shifokorga murojaat qilish zarur.

Mumkin

Teridagi bakterial infeksiya belgilari — yiringli yara, shilinish hamda yallig‘lanishda antibiotik samara berishi mumkin.

Respirator infeksiyalari

Shamollash va grippni, shuningdek, yo‘tal hamda bronxit kasalliklarini aksariyat hollarda virus keltirib chiqargani uchun ham antibiotiklar samarasiz bo‘lishi mumkin.

Mumkin

Yo‘tal ikki haftadan ko‘p davom etsa, streptakok infeksiyani aniqlashga topshirilgan test ijobiy chiqqanda antibiotikni qabul qilsa bo‘ladi.

Sinusit infeksiya

Sovuqdan orttirilgan tumov ba’zi hollarda bir haftada o‘tib ketadi.

Mumkin

Tumovga xos simptomlarning bir haftada o‘tib ketmasligi, bosh og‘rig‘ining to‘xtamasligi, burundagi suyuqlikning yashil rang va badbo‘yligiga bakteriyalar sabab bo‘lishi mumkin. Bunday vaziyatda antibiotik qabul qilish kerak.

Siydik yo‘llaridagi infeksiyalarda

Siydik tahlilida bakteriya bakteriya borligi aniqlansa, biroq hech qanday alomatlar kuzatilmasa, darrov antibiotik ichishga shoshilmaslik kerak. Gap shundaki, organizmda antibiotiklarning o‘ziga chidamli bakteriyalar paydo bo‘lishiga olib kelishi ham mumkin.

Mumkin

Alomatlar kuzatilganda va og‘riq bo‘lganda qabul qilsa bo‘ladi. Ammo undan avval shifokor bilan maslahatlashish kerak.