Bugun,

  • USD 10920.28
  • RUB 177.49
  • EUR 11052.42

Alisher Navoiy nomidagi O‘zbekiston Milliy bog‘i 2017-yildan beri katta qurilish maydoniga aylangan. 2020-yilning mayida bog‘ning O‘zbekiston Yozuvchilar uyushmasiga tutash qismida Adiblar xiyoboni tashkil etildi, hududdagi Alisher Navoiy haykali ham xiyobonga moslab qayta o‘rnatildi. 2021-yil iyunida esa sobiq Milliy bog‘ o‘rnida salkam to‘rt yil qurilgan Magic City attraksionlar parki ochildi. Bu orada, 2021-yilning aprelida Milliy bog‘ning boshqa chekkasida joylashgan va Korxonalarni sog‘lomlashtirish markazi sifatida foydalanish uchun to‘liq ta’mirdan chiqarilgan “Navro‘z” to‘yxonasi kutilmaganda buzila boshlandi.

Jamoatchilik e’tirozlaridan so‘ng Toshkent hokimligi bayonot berib, Milliy bog‘da Navoiy nomidagi ijod maktabi, Navoiy nomidagi adabiyot muzeyining yangi binosi, Milliy drama teatrining yangi binosi, yaponiyalik mashhur arxitektor Tadao Ando loyihasi asosida San’at muzeyining namoyishlari kompleksi, 1,5 million dona kitob fondiga ega ulkan kutubxona qurilishi boshlanganini bildirdi (qayd etish joiz, prezident Shavkat Mirziyoyev 2020-yil oxirida Oliy Majlisga yo‘llagan Murojaatnomasida Toshkent markazida haqiqatan ham yuqoridagilarni o‘z ichiga olgan “madaniyat va ma’rifat majmuasi barpo etish bo‘yicha amaliy ishlar boshlanishi”ni e’lon qilgan edi).

“Navro‘z” to‘yxonasi o‘rnida quriladigan “ulkan kutubxona”ning prezident Shavkat Mirziyoyevga 2021-yil iyun oyida ko‘rsatilgan loyihasi.
Kadr: “O‘zbekiston 24”

Buzib tashlangan “Navro‘z” to‘yxonasi o‘rnida qad rostlaydigan bino — “ulkan kutubxona” loyihasi iyun oyi boshida prezidentga ko‘rsatilgani ma’lum qilindi. Ayni vaqtda, “madaniyat va ma’rifat majmuasi”dagi boshqa binolar — ijod maktabi, Milliy teatrning yangi binosi, San’at muzeyining yangi kompleksi qayerda qurilishi oshkor etilmagan edi. Kuni kecha Milliy bog‘ning Oliy Majlisga tutash qismidagi sun’iy ko‘l o‘rnida bir necha oydan qurilishga tayyorgarlik ishlari olib borilayotgani ma’lum bo‘ldi — bunga ijtimoiy tarmoq foydalanuvchilari e’tibor qaratgan. Tarmoqda mavjud sun’iy yo‘ldosh suratlariga qarab xulosa qilinsa, ko‘lda suv oxirgi marta 2019-yil oktabr oyida bo‘lgan, qurilish texnikasi esa kamida bir yildan beri mavjud.

Sun’iy yo‘ldosh tasvirlari Google Earth Pro orqali olindi
Qurilish joyida bo‘lib qaytgan “Daryo” muxbirining qurilish rahbari Baxtiyor Isayevga tayanib ma’lum qilishicha, Oliy Majlis binosining orqa qismida joylashgan sun’iy ko‘l va uning atrofidagi uch gektarlik maydonda teatr binosi quriladi. Quruvchining so‘zlariga ko‘ra, bu yerda dastlab O‘zbek milliy drama teatrining yangi binosi qurilishi ko‘zda tutilgan, keyinroq rejalar o‘zgargan.

Baxtiyor Isayev.
Foto: “Daryo” / Madina Nurman

“Hali qurilishning proyekti yo‘q, faqat konsepsiya tuzilgan, rahbarlarimiz ko‘rib chiqmoqda. Opera teatri qurilishi ma’lum, prezidentimiz kelib, opera teatri qurish haqida fikr bildirdilar. ‘Oldiga albatta favvora qilinglar, chunki bu yerda suv bo‘lgan’, deb aytdilar”, — dedi qurilish rahbari Baxtiyor Isayev.

“Biz Madaniyat vazirligi bilan maslahat qildik. Shuningdek, O‘zbek milliy drama teatriga borib, barcha artistlar bilan ko‘rishib, gaplashdik. Ularning hamma takliflarini yozib oldik. Teatri proyektini italiyaliklar mutaxassislar tayyorlayapti”, — dedi “Daryo” muxbiri bilan suhbatlashgan mutaxassis.

Qurilish ishlari qachon boshlanib, qachon yakuniga yetishi hozircha aniq emas. “Yerning konturi bor, shuni tayyorlayapmiz. Hali poydevor yotqizish uchun chuqur (kotlovan) qazish qazish ishlari boshlangani yo‘q. Prezidentimiz kelganlarida ‘shoshilmanglar, chiroyli quringlar’, deb ketdilar”, — deya qo‘shimcha qildi Baxtiyor Isayev.

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Ma’lum qilinishicha, 1200 o‘ringa mo‘ljallangan teatr binosini qurish ishlari Vazirlar Mahkamasi qarori bilan Enter Engineering kompaniyasiga berilgan. Ochiq manbalardagi ma’lumotlarga ko‘ra, Singapurda ro‘yxatdan o‘tgan Enter Engineering’ning 51 foiz ulushiga Kiprning Klintworth Investments kompaniyasi, 19 foiziga esa Rossiyaning “Gazprombank”i egalik qiladi. Kompaniya O‘zbekistondagi aksariyat katta qurilishlarda ishtirok etmoqda.

Ma’lumot uchun, noyabr oyi boshida O‘zbekiston Madaniyat va san’atni rivojlantirish jamg‘armasi O‘zbekiston San’at muzeyining yangi binosi qanday ko‘rinishda bo‘lishi aks etgan konsept-suratlarni e’lon qilgan. Unda muzey binosi Xalqlar do‘stligi san’at saroyining orqa qismida, Abulqosimxon madrasasi yonida joylashishini ko‘rish mumkin — renderlarda Oliy Majlis binosi ortidagi ko‘l suvi bilan ko‘rsatilgan (avvalroq ushbu yangi bino San’at muzeyining eski binosi yonida qurilishi ma’lum qilingan edi).

San’at muzeyining yangi binosi loyihasi.
Foto: Madaniyat va san’at jamg‘armasi / “Gazeta.uz”

Izoh
Asosiy yangiliklar
Mahalliy
“Bunday shaxslarning O‘zbekistonga kirishini umrbod taqiqlash kerak”. Alisher Qodirov boshqa davlatning harbiy harakatiga yollanadiganlar haqida
Madaniyat
51 yoshli xonanda Nargiz Zokirova farzand kutmoqda (foto)
Mahalliy
“Farzandlariga moddiy yordam ajratiladi, hayotda o‘z o‘rnini topishiga ko‘maklashiladi”. Farg‘onadagi zavod vafot etgan xodimi bolalarini o‘z qaramog‘iga oldi