1-noyabr oqshomida Rossiya poytaxti Moskvaga qalin tuman tushdi, bu esa shaharda ko‘rish darajasini keskin yomonlashtirdi, deb yozadi Meduza.
Rossiya Favqulodda vaziyatlar vazirligi ko‘rish masofasi 200-700 metrgacha bo‘lgan ushbu tuman 2-noyabr kuni soat 14:00 (Toshkent vaqti bilan 16:00)gacha saqlanib qolishi haqida ogohlantirdi.
Moskva aeroportlari 200 dan ortiq reyslarni bekor qildi yoki kechiktirdi: 2-noyabr, soat 10:50 holatiga ko‘ra, Sheremetyevo, Domodedovo va Vnukovo aeroportlarida 169 ta reys kechiktirildi, yana 33 tasi bekor qilindi. Xususan, Uzbekistan Airways’ning Toshkentdan uchgan Boeing 767-300 samolyoti tuman tufayli Moskvaning Domodedovo aeroportiga qo‘na olmadi. 2-noyabr kuni samolyot ko‘rish darajasining pastligi sababli belgilangan aeroportga qo‘na olmagan va Qozon shahridagi zaxira aeroportiga qo‘ngan.
Readovka nashrining ta’kidlashicha, shahardagi “tutun”ning manbalaridan biri Yangi Moskvadagi sanoat zonasidan chiqayotgan chiqindi gazlar bo‘lishi mumkin.
https://www.instagram.com/p/CVv7seGs5tT/
Izoh (0)