2020-yil yakunlariga ko‘ra O‘zbekiston bo‘yicha atmosfera havosini ifloslantiruvchi statsionar manbalardan atmosferaga chiqarilgan ifloslantiruvchi moddalar miqdori 924,4 ming tonnani tashkil etgan. Bu haqda Davlat statistika qo‘mitasi xabar berdi.

Foto: “Daryo” / Madina Nurman

Ushbu ko‘rsatkich hududlar kesimida tahlil qilinganda, eng yuqori ulush Toshkent va Qashqadaryo viloyatlari hisobiga to‘g‘ri kelgan — mos ravishda 46,5 va 13,9 foiz.

Eng kam ulush Jizzax viloyati – 0,4 foizda qayd etilgan. Surxondaryo va Xorazm viloyatlarida esa atmosfera havosini ifloslantiruvchi statsionar manbalardan chiqarilgan ifloslantiruvchi moddalar miqdori 0,7 foizdan to‘g‘ri kelgan.

Eslatib o‘tamiz, 2019-yilgi o‘rganishga ko‘ra, atmosferaga mamlakat bo‘yicha yiliga o‘rtacha 2,5 million tonna ifloslantiruvchi modda chiqarilgan bo‘lsa, shuning 1,5 million tonnadan ortiq qismi transport vositalaridan chiqayotgan ifloslantiruvchi moddalarga to‘g‘ri kelgan. 2020-yil karantin davrida avtomobil harakatining cheklanishi tufayli atmosferaga oyiga 120 ming tonna chiqindi chiqishi kamaygan.