Jeff Bezosning Blue Origin kompaniyasi va Sierra Space tijoriy maqsadlarda qo‘llanish mumkin bo‘ladigan o‘z kosmik stansiyasini qurmoqda. Bu haqda Blue Origin’ga tayanib, “RBK” xabar berdi.
Stansiya “Orbita rifi” nomini olgan bo‘lib, u Yerga yaqin quyi orbitada joylashadi. Uni 2025-yildan keyin foydalanishga topshirish rejalashtirilmoqda.
“Orbita rifi” tadqiqotchilar, biznesmenlar, turistlar hamda kompaniyaning boshqa mijozlari uchun “turli maqsadlarda foydalanish mumkin bo‘lgan biznes-park” vazifasini bajaradi. Blue Origin va Sierra Space to‘liq xizmatlar jamlanmasini, xususan, yuklarni tashish, logistika, kosmosga joylashtirish, qurilmalar, shuningdek, ekipajning stansiya bortida ishlarini taqdim etishni rejalashtirmoqda. Orbita stansiyasining saytida aytilishicha, uning xizmatlaridan mikrogravitatsiya haqida film suratga olayotganlar, kosmik mehmonxona ochish niyatida bo‘lganlar yoki ilmiy tadqiqot o‘tkazayotganlar foydalanishi mumkin.
Kompaniya bayonotida qayd etilishiga, “Orbita rifi” iqtisodiy faoliyatni kengaytirish va kosmosda yangi bozorlarni ochish uchun zarur bo‘lgan infratuzilmani ta’minlaydi. Ko‘p martalik kosmik transport va murakkab dizayn, ilg‘or avtomatlashtirish va logistika bilan birgalikda kosmos bilan bog‘liq bo‘lganlarga ham, yangi kelganlar uchun ham xarajatlarni minimallashtiradi, bu esa keng ko‘lamli doiradagi foydalanuvchilarga o‘z maqsadlariga erishishga imkon beradi.
Ma’lumotlarga ko‘ra, Blue Origin o‘zining kosmik stansiyasi ustida kamida bir yildan buyon ish olib bormoqda. 2020-yilning sentabrida CNBC kompaniya “orbital yashash muhitini ishlab chiqish rahbari” vakansiyasini ochgani haqida yozgandi. Unda ta’kidlanishicha, muvaffaqiyatli nomzod texnik konsepsiyalar, samarador strategiya, biznes-keyslar, mijozlar bilan o‘zaro aloqalar, yetkazib berish zanjirlarini ishlab chiqish jarayonini boshqaradi.
Eslatib o‘tamiz, 2021-yilning 20-iyul kuni Jeff Bezos koinotda bo‘lib qaytdi. Bortida Bezos va yana uch nafar odam bo‘lgan New Shepard havo kemasi kosmosga chiqib muvaffaqiyatli qo‘nishni amalga oshirdi. New Shepard kapsulasi kosmodromdan uchgach, taxminan 350 ming funt masofani bosib o‘tdi, Yer atmosferasini fazodan ajratib turuvchi Karmana chizig‘idan (Yerdan 100 kilometr uzoqlikda) o‘zgan holda koinotga chiqdi. Parvoz taxminan 11 daqiqa davom etgan. Biroq AQSh Fuqarolik aviatsiyasi federal boshqarmasi (FAA) Bezosni astronavt deb tan olmagan.
Izoh (0)