Oliy va o‘rta maxsus ta’lim vazirligi ijtimoiy tarmoqlarda O‘zbekistondagi OTMlar talabalari 25-oktabrdan ta’tilgan chiqishi to‘g‘risida tarqalgan xabarlarga munosabat bildirdi.

Ma’lum qilinishicha, ushbu xabar hech qanday asosga emas. Vazirlik, shuningdek, ijtimoiy tarmoq foydalanuvchilarini feyk (yolg‘on, asossiz) xabarlarga ishonmaslikka chaqirgan.

“Hurmatli fuqarolar va ijtimoiy tarmoq foydalanuvchilari, yolg‘on xabar tarqatish Jinoyat kodeksining 244-6 moddasiga (yolg‘on axborot tarqatish) ko‘ra javobgarlikka sabab bo‘lishidan ogohlantiramiz”, — deyiladi munosabatda.

Avvalroq O‘zbekiston OTMlarida kontrakt miqdori oshgani haqidagi xabarlar yuzasidan munosabat bildirilgani, abituriyentlarga tabaqalashtirilgan to‘lov-shartnomalarini onlayn rasmiylashtirish imkoniyati yaratilgani, mamlakatdagi akademik litseylarda o‘tkazilgan kirish imtihonlari javobi e’lon qilingani to‘g‘risida xabar berilgandi.