Markaziy saylov komissiyasi ijtimoiy tarmoqlarda 24-oktabr kuni bo‘lib o‘tgan Prezident saylovining dastlabki natijalari e’lon qilingani to‘g‘risida tarqalgan xabarlarga munosabat bildirdi.
Euronews telekanali O‘zbekistonda o‘tkazilgan Prezident saylovining dastlabki natijalari e’lon qilingani va mamlakatning amaldagi Prezidenti 90 foiz ovoz to‘plaganini ma’lum qilgan.
Markaziy saylov komissiyasi esa ushbu xabar haqiqatga to‘g‘ri kelmasligini bildirdi.
“Ijtimoiy tarmoqlarda O‘zbekiston Prezidenti saylovining dastlabki natijalari e’lon qilingani haqida xabar tarqatilmoqda. Bu xabar haqiqatga mutlaqo to‘g‘ri kelmaydi. Prezident saylovining dastlabki natijalari 25-oktabr kuni Toshkent vaqti bilan soat 16:00 da Markaziy saylov komissiyasi raisi Zayniddin Nizomxo‘jayev tomonidan e’lon qilinishini yana bir karra eslatib o‘tamiz”, — deyiladi munosabatda.
Izoh (0)