Tashqi ishlar vaziri Ablulaziz Komilov O‘zbekiston va Rossiya o‘rtasidagi munosabatlar hozirda rivojlanishning eng yuqori cho‘qqisida ekanligini ta’kidladi. Bu haqda vazir Rossiya OAVlari uchun matbuot anjumanida ma’lum qildi, deya xabar berdi “RIA Novosti”.
“Hozirda O‘zbekiston va Rossiya o‘rtasidagi munosabatlar o‘z rivojlanishining eng yuqori cho‘qqisida. 30 yil davomida bizda bunday keng ko‘lamli o‘zaro munosabatlar va ikki tomonlama hamkorlikning bunday keng qamrovli dasturi bo‘lmagan”, — dedi Abdulaziz Komilov.
Vazirning ta’kidlashicha, bu amalda barcha sohalarni — siyosat, iqtisodiyot, madaniyat, ijtimoiy sohalar, xavfsizlik va xalqaro maydonda o‘zaro aloqalarni o‘z ichiga oladi. “Munosabatlar, ittifoqdoshlik va strategik sheriklik, ular haqiqatan ham shunday jiddiy mazmunda to‘planib boradi. Ammo, shu bilan birga, hali foydalanilmagan imkoniyatlar ko‘p. Bu biz hali oldinga harakatlanishimiz uchun imkon borligini anglatadi, munosabatlarimizni mustahkamlaymiz. Bu yoqimli”, — deya qo‘shimcha qildi Komilov.
Komilovning so‘zlariga ko‘ra, O‘zbekiston Prezidentining noyabr oyida Rossiyaga rejalashtirilgan tashrifi uchun juda katta hujjatlar to‘plami tayyorlangan. “Ayniqsa iqtisodiy, gumanitar xarakterga ega (hujjatlar) va mintaqalararo forumni o‘tkazish rejalashtirilgan. Hozirda pandemiya holatini inobatga olgan holda, ko‘plab tadbirlar videokonferensloqa ko‘rinishida bo‘ladi. Lekin shunga qaramay, biz qo‘yilgan vazifalarni hal qilishga harakat qilamiz”, — dedi Abdulaziz Komilov.
Uning so‘zlariga ko‘ra, savdo sohasida ham katta hujjatlar to‘plamini imzolash rejalashtirilgan. “Bugungi kunda Rossiya bilan savdo aloqalari ancha jadal rivojlanmoqda, o‘zaro savdo 5 milliard dollardan oshgan va bundan keyin ham o‘stirishda davom etamiz”, — dedi vazir.
“Ilmiy-texnikaviy, harbiy-texnikaviy hamkorlik sohasida kelishuvlarga erishilgandan so‘ng ulkan imkoniyatlar ochiladi. Ushbu barcha kelishuvlarning amalga oshirilishi nafaqat yangi sahifani, balki O‘zbekiston—Rossiya munosabatlarining o‘ta jiddiy bosqichini ochadi”, — deya qo‘shimcha qildi Komilov.
Izoh (0)