Yosh bolalar uchun gulkaramli pyure retseptlari va tez pishirish bo‘yicha maslahatlar

Gulkaramdan ham kartoshkaniki kabi ajoyib mazali pyure tayyorlash mumkin.

Chaqaloqlar uchun gulkaram pyuresi retsepti

Agar chaqaloqqa qo‘shimcha ovqatlar berish vaqti kelgan bo‘lsa, gulkaram pyuresi juda yaxshi variant. Ushbu taomni hazm qilish oson, allergik reaksiyaga olib kelmaydi. Oshqozon hamda ichakning me’yorida ishlashiga yordam beradi.

Kerakli mahsulotlar:

• gulkaram – 1/2 bosh;
• zaytun yog‘i – 50 gramm;
• suv – 600 ml.

1. Gulkaram avval sovuq, keyin qaynoq suv bilan yuviladi.
2. Karam tuzsiz suvda 20 daqiqa qaynashi kerak.
3. Qaynab chiqqach blender yordamida maydalanadi.
4. Pyure biroz suyuqlashtirish uchun zaytun yog‘i va sabzavotli bulyon qo‘shiladi.

Gulkaram va kartoshkali pyure juda mazali hamda yumshoq bo‘lib, har qanday insonga ma’qul kelishi shubhasiz.

Kerakli mahsulotlar:

• kartoshka – 3 dona;
• gulkaram – 1/2 bosh;
• sariyog‘ – 50 gramm;
• tuz.

1. Kartoshka tozalanadi va bo‘laklarga bo‘linadi.
2. Gulkaram ham yuvilib, bo‘laklarga bo‘linadi.
3. Sabzavotlar idishga solinib, qaynatiladi.
4. Sabzavotlar pishgach, suvdan olinadi va blender yordamida maydalanadi.
5. Ta’bga ko‘ra, sariyog‘ va tuz qo‘shiladi.

Ushbu mazali taom, albatta, kattalar uchun tavsiya qilinadi. Shuningdek, dasturxonga tortiladigan birinchi taom sifatida iste’mol qilish mumkin.

Kerakli mahsulotlar:

• gulkaram – 1/2 bosh;
• kartoshka – 2 dona;
• qaymoq – 200 ml;
• piyoz – 1 dona;
• sarimsoq – 1 bo‘lak;
•  sariyog‘ – 50 gramm;
• tuz va ziravorlar.

1. Piyoz va kartoshka tozalanib, mayda to‘g‘raladi.
2. Gulkaram bo‘laklarga bo‘linadi.
3. Sariyog‘ eritilib, unda piyoz qovuriladi.
4. So‘ngra kartoshka va karam qo‘shilib, ustidan qoplaguncha suv quyiladi.
5. Tuz va garmdori qo‘shilib, taxminan 25 daqiqa pishiriladi.
6. Sabzavotli bulyon alohida idishga quyiladi va 2 stakan qoldiriladi.
7. Bulyon blender yordamida yaxshilab aralashtiriladi va bir stakan bulyon suyuqligi bilan sarimsoq qo‘shiladi. Qaymoqni ham qo‘shib yana blenderda aralashtiriladi.
8. Qaymoqli gulkaram pyuresini suyultirish uchun qolgan bulyondan qo‘shish mumkin.