O‘zbekiston Birinchi Prezidenti Islom Karimovning nabirasi, Gulnora Karimovaning qizi Imon Karimova 24-oktabrda o‘tkaziladigan prezidentlik saylovlarida kimga ovoz berishini Instagram’dagi stories’ida ma’lum qildi.
Imon “24-oktabr kuni bo‘lib o‘tadigan prezidentlik saylovida kimga ovoz berasiz?”, degan savolga qisqacha “O‘zLiDeP”, deya javob yozgan. Eslatib o‘tamiz, O‘zbekiston Liberal-demokratik partiyasidan Shavkat Mirziyoyev prezidentlikka nomzod etib ko‘rsatilgan.
Shuningdek, Imon hozirda O‘zbekistonda emasligini bildirgan. U “Qachon Xorazmga kelasiz?”, degan savolga “Keyingi safar O‘zbekistonga borganimda”, deb javob qaytargan.
Ma’lumot uchun, O‘zbekistonda 24-oktabr, yakshanba kuni prezident saylovi bo‘lib o‘tadi. Unda Ekologik partiyadan Narzullo Oblomurodov, Xalq demokratik partiyasidan Maqsuda Vorisova, Liberal-demokratik partiyadan Shavkat Mirziyoyev, “Milliy tiklanish” demokratik partiyasidan Alisher Qodirov va “Adolat” sotsial-demokratik partiyasidan Bahrom Abduhalimov nomzod sifatida ishtirok etadi.
Izoh (0)