Gollivudning taniqli aktyorlari Rami Malek va Pit Devidson Janubiy Koreyaning “Kalmar o‘yini” serialiga bag‘ishlangan musiqiy sketchda suratga tushdi. Parodiya klip Saturday Night Live ko‘ngilochar shousida efirga uzatilgan, deb xabar beradi Esquire.
Devidson ishdan bo‘shatilgani sabab daromaddan quruq qolgani, Malek esa puli yo‘qligi sabab hatto kuchugini sotgani sabab halokatli o‘yinda ishtirok etishga qaror qiladi. Artistlar rolikda 456 va 218 raqami ostidagi asosiy qahramonlarni gavdalantirgan.
Devidson va Malek xuddi serial qahramonlari kabi zumrad rangli formada va o‘sha dekoratsiyalar ostida sinovlardan o‘tadi. Shu bilan birga, SNL ishtirokchilari kantri uslubidagi qo‘shiq orqali sodir bo‘layotgan voqealarni hazilona tasvirlab boradi. Shu orqali ular “Kalmar o‘yini”ning butun sujetini aytib beradi.
“Menga koreyscha baqirishyapti va hech narsani tarjima qilishmayapti”, — deya shikoyat qiladi Devidson. “45 million von — bu bir dunyo pul. Men shunday o‘ylayapman, lekin valyutalar kursiga tushunmayman”, — deya kuylaydi Malek.
Devidson o‘yin g‘olibi bo‘lib, qo‘lga kiritgan barcha pulini Nyu-York Jets futbol klubiga tikish uchun bukmeker oldiga boradi. Jamoa yutqazadi, artist esa yana o‘yinga qaytishga qaror qiladi.
Sketch nafaqat “Kalmar o‘yini” sujetini, balki uning mashhurligini ham takrorlamoqda — ikki kun ichida parodiya YouTube’da qariyb 4 million marta tomosha qilingan.
Avvalroq Janubiy Koreya provayderi “Kalmar o‘yini” sabab tomoshabinlar oqimi ortgani uchun Netflix’ni sudga bergani, Netflix “Kalmar o‘yini” serialida ko‘rsatilgan telefon raqamni o‘zgartirishi, uning haqiqiy egasiga har kuni minglab qo‘ng‘iroqlar bo‘layotgani to‘g‘risida xabar berilgandi.
Izoh (0)