Instagram ijtimoiy tarmog‘i kompyuterdan post qo‘yish va foydalanuvchilarga birgalikda xabarlarni bo‘lishish imkonini beradigan yangi funksiyalarni qo‘shmoqda, deb xabar beradi “Korrespondent.net”.

Foto: Unsplash

Xususan, Collabs funksiyasi ikki foydalanuvchiga birgalikda postlar e’lon qilish imkonini beradi. Ushbu postlarga umumiy izoh qoldirish mumkin, shuningdek, tomosha qilinishlar va layklar soni ham umumiy bo‘ladi.

Bundan tashqari, foydalanuvchilar postlarni kompyuterdagi brauzer yoki mobil dasturdan foydalanmagan holda smartfondan e’lon qilishi mumkin. Foydalanuvchilar foto va davomiyligi bir daqiqadan oshmaydigan roliklarni desktop brauzerlardagi veb-interfeysga joylay oladi.

Shuningdek, Instagram’ga TikTok’ning muqobili bo‘lgan Reels uchun yangi funksiyalar qo‘shiladi. Ular orasida qo‘shiqlarning 3D matnlari ham mavjud.

20-oktabrdan boshlab Instagram notijorat tashkilotlari uchun mablag‘ yig‘ishning yangicha soddalashtirilgan usulini testdan o‘tkazishni boshlagan.

Avvalroq Instagram haqoratli xabarlarni avtomatik yashirish funksiyasini ishga tushirishi to‘g‘risida xabar berilgandi.