Toshkent shahrida janjal sabab ota o‘g‘lini bolg‘a bilan urib o‘ldirib qo‘ydi, deya xabar bermoqda Oliy sud axborot xizmati.
Ma’lum bo‘lishicha, poytaxtning Yashnobod tumanida N.X. mast holda o‘g‘li Sh.X. bilan janjallashib qolgan. Ta’kidlanishicha, o‘g‘li uyiga bolali ayolni olib kelmoqchi bo‘lgan, otasi esa unga uyda joy yo‘qligini aytgan. Shundan so‘ng ular o‘zaro tortishgan va erkak o‘g‘li uxlab yotganini ko‘rib, uning boshiga bolg‘a bilan bir necha marta urib o‘ldirgan.
Sud-tibbiy ekspertizasining xulosasiga ko‘ra, marhumning o‘limiga bosh miya yumshoq pardasi ostiga qon quyilishi, boshning chap chakka-ensa va asos suyaklarining maydalanib sinishi sabab bo‘lgan.
Mazkur holat yuzasidan o‘tkazilgan sud majlisida N.X. Jinoyat kodeksining 97-moddasi 1-qismi (qasddan odam o‘ldirish) bilan aybli deb topilgan. Unga ushbu modda bilan 10 yil ozodlikdan mahrum qilish jazosi tayinlangan.
Mavzuga doir:
- Navoiyda besh nafar mast odam beton ishlab chiqarish sexiga kirishga qarshilik ko‘rsatgan qorovulni kaltaklab o‘ldirdi
- Qo‘qonda televizorni qaysi kanalga olish ustida yuz bergan janjal oqibatida 17 yoshli yigit akasiga 9 marta pichoq urdi
- Sirdaryoda xolasining uyini o‘marishga kelgan qimorboz jiyan uning joynamoz ustidagi o‘g‘lini pichoqlab o‘ldirdi
Izoh (0)