Kira Naytli, Kara Delevin va qoshlarini termaslikni afzal biladigan boshqa yulduzlar (foto)

Qoshlarni ingichka qilib terdirib yurish o‘tmishda qolgan. Buning o‘rniga qalin va tabiiy qoshlar trendga kirgan.

Natalya Kasteller

Yoshligida qalin va uzun qoshlari sabab atrofdagilarning kulgisiga qolgan Natalya hatto ularni qirib tashlamoqchi ham bo‘lgan. Ammo vaqti kelib birdaniga hammasi o‘zgargan. Bugungi kunda u ko‘plab modellik agentlari va dizaynerlar bilan hamkorlik qiladi. Unga bo‘lgan talabning yuqoriligida qalin va qora qoshlari muhim rol o‘ynaydi.

Kara Delevin

Kara qoshlarning qalinligi juda ham ajoyib ekanini isbotlashni uddasidan chiqa olgan modellardan sanaladi. Qoshlarining o‘ziga xosligi bilan ko‘pchilikni o‘ziga maftun qilgan Karani Karl Lagerfeld moda olamidagi eng go‘zal qizlardan biri deb hisoblagan.

Lili Kollinz

Qalin qoshlari bilan faxrlanadigan Lili stilistlarning unga teginishiga izn bermaydi. Qizig‘i Twitter’da aktrisaning qoshlariga atab ochilgan alohida sahifa ham mavjud.

Lurdes Maroya Chikkone-Leon

Lurdes Maroya Chikkone-Leonga qalin qoshlar onasi Madonnadan o‘tgan. Avvallari uning tabiiy qoshlari kulgiga sabab bo‘lgan bo‘lsa, bugunga kelib ko‘pchilikni o‘ziga maftun qiladi.

Kira Naytli

“Qanday qilib qoshlarni Kira Naytlinikiga o‘xshatish mumkin?” — Google’da qidirilgan eng mashhur savollardan hisoblanadi. Bu bekorga emas, chunki darhaqiqat qoshlari ajoyib va o‘ziga xos ko‘rinadi.

Emma Uotson

Emma bolaligida qoshlarining qalin va tartibsizligidan ko‘p aziyat chekkan. Ammo keyinchalik fikrini o‘zgartirgan. Qoshlarini terish o‘rniga ularga maxsus vosita bilan urg‘u bera boshlagan.

Sofiya Vergara

Kolumbiyalik aktrisa Sofiya Vergarani aksariyat hollarda italiyalik Sofi Lorenga o‘xshatishadi. Darhaqiqat, ularda o‘xshashlik bor: har ikkisining qoshlari juda ham ajoyib ko‘rinadi.

Emiliya Klark

“Taxtlar o‘yini”dagi bosh qahramon Emiliya Klarkning qoshlari qalin va to‘q jigarrang.