Kolorado shtati Yovvoyi tabiatni muhofaza qilish xizmati xodimlari 2019-yilning iyulida bo‘yi avtomobil pokrishkasi tiqilib qolgan bug‘uni uchratgan. Ammo unga yordam berish uchun uzoq vaqt yaqinlashib bo‘lmagan. Qishda esa hayvon butunlay ko‘zdan yo‘qolgan, deb xabar beradi Meduza.
Foto: Colorado Parks and Wildlife
Oradan ikki yil o‘tgach, bug‘ularning urchish mavsumi boshlanishida odamlar unga yaqinlashishga muvaffaq bo‘lgan. Vazni 270 kilogrammga yetadigan hayvonni uxlatish uchun to‘rt marta urinishga to‘g‘ri kelgan.
Yovvoyi tabiat muhofazasi xizmati xodimlari bug‘uning shoxini arralashga majbur bo‘lgan, chunki pokrishkaning o‘zi qirqilmagan. O‘tgan vaqt davomida bug‘u uni bo‘ynida ko‘tarib yurgan, ichida turli loy va ignabargli daraxt shoxlari to‘plangan — bu esa hayvonning hayotini yanada qiyinlashtirgan.
Avvalroq Kanadada sayr qilib yurgan bug‘uni faxriy eskort kuzatib borgani va unga politsiya mashinasi “migalka” bilan hamrohlik qilgani to‘g‘risida xabar berilgandi.
