ERIELL Group loyihalari faqat O‘zbekiston, Iroq va Rossiya Federatsiyasi mintaqalari bilan cheklanmaydi. Kompaniyalar guruhining xalqaro loyihalar MBB xorijiy mamlakatlarda ishlash bo‘yicha ulkan tajribaga ega. Xususan, ERIELL Group xodimlari Bangladesh Respublikasida 2012-yildan beri Gazprom EP International Investments B.V bilan hamkorlikda ishlab kelmoqda. Bu vaqt ichida ushbu mamlakatning turli provinsiyalari va konlarida 17 ta razvedka konlari qurilib, tayyor holda foydalanishga topshirildi, yangi, sermahsul qatlamlar muvaffaqiyatli sinovdan o‘tkazildi. 3550 metr chuqurlikdagi razvedka quduqlarini burg‘ilash va hali o‘rganilmagan yangi sermahsul gorizontlarni ochish aholi va ishlab chiqarish obyektlari gaz ta’minotida mustaqillikka erishish Bangladesh neft va gaz tarmog‘ining ustuvor vazifasi hisoblanadi.
ERIELL GROUP xalqaro servis yetakchisi bilan hamkorlikda “Titas”, “Bakrabad”, “Rashidpur”, “Begumganj”, “Shaxbazpur”, “Bola” konlaridagi ko‘plab quduqlarni sifatli va aksar hollarda muddatidan oldin burg‘iladi. Geologik asoratlarga duch kelish, anomal darajadagi yuqori qatlam bosimi (800 atm.gacha)ga ega gorizontlarni ochish, yopishqoq qatlamlarga qaramay kompaniyalar guruhi mutaxassislari tomonidan loyiha chuqurliklarga yetgan va bir-biriga mos kelmaydigan qatlamlarni sifatli izolyatsiya qilish bilan birga, avariyasiz burg‘ilash amalga oshirildi. Ko‘plab razvedka tuzilmalarida o‘rtacha 400—500 ming kub metr sanoat gazi oqimi olindi. Yangi qatlamlarning muvaffaqiyatli sinovdan o‘tkazilishi Bangladesh Respublikasi hukumati tomonidan ijobiy baholanib, ERIELL Group faoliyati bosh buyurtmachi BAPEX va Petrobangla nomidan minnatdorlik xatlari bilan e’tirof etildi.
Ishning alohida murakkab shart-sharoitlari sifatida mamlakat ichidagi o‘ta murakkab logistikani qayd etish joiz. Tor yo‘llar, daryoning kechuv joylari, tirband harakat yirik gabaritli va og‘ir yuklarni tashishda jiddiy to‘siq bo‘ldi. Biroq yo‘llarni kengaytirish va mustahkamlashga doir ishlarning o‘z vaqtida bajarilishi, tashishlarning erta rejalashtirilganligi to‘siqlarni yengib o‘tish va ishlarni o‘z muddatida bajarish imkonini berdi.
Joriy yil iyun oyining oxirida ERIELL Group tomonidan Bola orolida uchta razvedka quduqlarini burg‘ilashga doir navbatdagi bitim imzolandi. Kompaniyalar guruhi xodimlari mazkur mintaqada ikkita razvedka qudug‘i — “Sharqiy Shaxbazpur” №1 va “Shimoliy Bola” №1 quduqlarini burg‘ilash bo‘yicha tajribaga ega. Hozirgi vaqtda tayyorgarlik ishlari avjida, potensial pudratchilar jalb qilinmoqda, kelgusida ishlarni amalga oshirish uchun asosiy MTRlarni kontraktatsiya qilish bo‘yicha ishlar amalga oshirilmoqda. Shartnomaga ko‘ra, ilk quduqni burg‘ilash 2022-yilning may oyiga rejalashtirilmoqda.
ERIELL Group matbuot xizmati
