O‘zbekistonda 6 va undan ko‘p kishi istiqomat qiluvchi xonadonlar soni ko‘pchilikni tashkil qilmoqda. Bu haqda uy xo‘jaliklari tanlama kuzatuvlari asosida Davlat statistika qo‘mitasi ma’lum qildi.

Foto: “Daryo” / Dilruh Isomiddinova

Unga ko‘ra, 2021-yilning yanvar—sentabr oylarida uy xo‘jaliklari a’zolarining soni bo‘yicha:

  • bir kishilik — 2,6 foiz;
  • ikki kishilik — 6,3 foiz;
  • uch kishilik — 10,8 foiz;
  • to‘rt kishilik — 18,6 foiz;
  • besh kishilik — 23,4 foiz;
  • olti va undan ko‘p kishilik — 38,3 foizni tashkil qildi.

Avvalroq qo‘mita O‘zbekistonda 2021-yil 1-yanvar holatiga ko‘ra jami 8 871 412 ta oila mavjudligini hamda qaysi viloyatdagi oilalar eng serfarzand ekanligini ma’lum qilgandi.