“Jurabek Laboratories” farmatsevtika korxonasi ZF-UZ-VAC2001 — o‘zbek-xitoy vaksinasining navbatdagi partiyasini ishlab chiqardi, deb xabar bermoqda Sog‘liqni saqlash vazirligi.
Vazirlikning ma’lum qilishicha, ushbu vaksinaning 1 219 510 dozalik ikkinchi partiyasi Sanitariya-epidemiologik osoyishtalik va jamoat salomatligi xizmatiga yetkazib berildi.
Jurabek Laboratories tomonidan ishlab chiqarilgan o‘zbek-xitoy vaksinasining 1 458 820 dozadan iborat birinchi partiyasi 30-sentabr kuni topshirilgandi.
Shunday qilib, O‘zbekistonda emlash jarayonlarida foydalanilayotgan jami vaksina 29 893 038 dozani tashkil qilmoqda.
Ulardan:
- 1 594 480 dozasi AstraZeneca,
- 23 177 998 million dozasi ZF-UZ-VAC2001,
- 720 500 dozasi “Sputnik V”,
- 3 000 060 dozasi Moderna,
- 1 200 000 dozasi Pfizer/BioNTech,
- 200 000 dozasi Sinovac vaksinasidir.
Izoh (0)