Gollivud yulduzi, Goop brendi asoschisi 2021-yilda 49 yoshni qarshiladi. Avvalgidek ko‘p suratga tushmaydigan “Oskar” sovrindori bor diqqatini o‘zining velnes-imperiyasini rivojlantirishga qaratgan.
Uning bu borada qanchalik muvaffaqiyatga erishganiga nafaqat kompaniyaning millionlab daromadi, balki tanlagan sog‘lom turmush tarzidan ham bilish mumkin. Peltrou bergan intervyusida qanday ratsion unga qomatini saqlab qolishda yordam berayotgani haqida aytib o‘tdi.
Aktrisa sevimli taomlari hisoblangan kartoshka fri va pastani ba’zida o‘ziga ravo ko‘ra oladi. Yulduz tongni bir qoshiq kokos yog‘i bilan qarshi oladi. Gvinetning aytishicha bu bakteriyalarni o‘ldirishga yordam beradi. Keyin esa nonushta o‘rniga vitaminli ikki stakan suv va smuzi iste’mol qiladi. Ba’zida esa tuxumli sendvich yeyishi ham mumkin. Tushlikka esa albatta oqsilli salat yoki non o‘rniga salat bargi va kurka go‘shtidan tayyorlangan buterbrod yeydi. Tamaddi sifatida yong‘oq, tuzli pretseli (o‘ramali non) bilan ko‘k choyni umumlashtirishni afzal biladi. Kechki ovqat borasida esa ma’lum qoidaga amal qiladi: so‘nggi taomni kechki 16:00 dan 18:00 gacha tanovul qiladi. Yo‘qsa uxlab qolishi mumkin.
Izoh (0)