YouTube’dagi WoodWorking Art kanalida yog‘och bo‘lagidan Gelandewagen’ning aniq nusxasini yasash jarayoni tasvirlangan video paydo bo‘ldi. O‘yinchoq Mercedes-Benz yo‘ltanlamasning asosiy ehtiyot qismlari fuszyan sarvidan ishlangan, ammo harakatlanuvchi elementlari metalldan yasalgan. Mashina nusxasini yasashga bir necha hafta sarflangan bo‘lib, u to‘qqiz daqiqali rolikka joylashtirilgan, deb xabar beradi Motor.

Kadr: YouTube

Vyetnamlik bloger G-Class’ning yog‘och nusxasini oldin ham yasagan, biroq u vaqtda AMG G 63 versiyasiga to‘xtalgan edi. Endilikda xuddi shu masshtabda G500 ning oddiy versiyasi yasaldi, ta’kidlash kerakki, duradgor buyurtmaga ko‘ra haqiqiy yo‘ltanlamasni tasvirlashga uringan. Avtomobil raqamlariga ko‘ra, yo‘ltanlamas kiyevlik fuqaroning buyurtmasiga ko‘ra yasalgan.

Kadr: YouTube

Gap oddiy G500 haqida ketayotgan bo‘lsada, usta nima uchundir tormoz supportlarini qizil rangga bo‘yagan, orqasiga 4x4² yozuvi tushirilgan. Bu kabi mayda jihatlariga e’tibor qaratilmasa, yog‘ochga ishlov berish jarayoni hayratlanarli: shinalar, havo haydash panjaralari va diskalar juda sifatli tayyorlangan, salon va kapot osti makonining o‘xshashligini inkor etib bo‘lmaydi.

Avvalroq vyetnamlik duradgor Chiong Van Dao oddiy yog‘och bo‘laklaridan Ferrari 250 GTO nusxasini yaratish jarayoni tasvirlangan video bilan bo‘lishgandi.