Toshkentning Yangihayot tumanida joylashgan uylarning birida 11-oktabr kuni yong‘in yuz berib, bir kishi vafot etdi. Bu haqda FVV matbuot xizmati xabar berdi.
Ma’lum qilinishicha, yong‘in sodir bo‘layotganligi to‘g‘risida shahar FVBga xabar soat 09:50 da kelib tushgan. Shunga ko‘ra, 4 ta yong‘in-qutqaruv ekipaji voqea joyiga soat 09:53 da yetib borib, yong‘in soat 10:03 da qurshab olingan va soat 10:25 da bartaraf etilgan.
Tezkor harakatlar natijasida 6 nafar fuqaro qutqarilib, hayoti saqlab qolingan, 1 nafar fuqaro ko‘rsatilgan tibbiy yordamga qaramasdan vafot etgan.
Yong‘in oqibatida uyning, taxminan, 20-25 kvadrat metr maydonda shift va ichki qismi yonib zararlangan.
Hozirda yong‘inning kelib chiqish sababi va moddiy zarar miqdori aniqlanmoqda.
Mavzuga doir:
- Toshkent viloyatida bir-biriga qo‘shni ikki uyda yong‘in chiqdi
- Farg‘onadagi ko‘p qavatli uyda sodir bo‘lgan yong‘inda 4 nafar fuqaro o‘t o‘chiruvchilar tomonidan qutqarildi
- Angrenda ko‘p qavatli uyning tom qismida yong‘in chiqdi (video)
- Navoiyda 9 yoshli bola yong‘in sodir bo‘layotgan uydan qutqarib olindi
