Toshkentning Mirzo Ulug‘bek tumani, Mustaqillik shohko‘chasida 5 ta avtomobil oldinma-ketin to‘qnashdi. Holat aks etgan video ijtimoiy tarmoqlarda tarqaldi.
YHXBB bergan dastlabki ma’lumotlarga ko‘ra, ushbu holat 11-oktabr kuni soat 07:45 larda Toshkent shahar, Mirzo Ulug‘bek tumani, Mustaqillik shohko‘chasida, “Pushkin” metro bekati yaqinida yuz bergan. Oraliq masofani saqlamaslik oqibatida Captiva, “VAZ-2106”, Lacetti, Cobalt, Spark avtomobillari oldinma-ketin to‘qnashgan.
To‘qnashuv natijasida tan jarohati olganlar yo‘q. YTH yuzasidan Toshkent shahar IIBB YHXB xodimlari tomonidan surishtiruv olib borilmoqda.
Eslatib o‘tamiz, Mirzo Ulug‘bek tumani, Mustaqillik shohko‘chasida 30-iyul kuni ham 5 ta avtomobil oldinma-ketin to‘qnashgandi. O‘shanda to‘qnashuv Captiva, Cobalt, Lada Vesta, yana bir Cobalt va BMW X5 rusumli avtomobillari ishtirokida yuz bergandi.
Xuddi shunday holat 2021-yilning boshida poytaxtning Uchtepa tumanida ham yuz bergandi. Masofa saqlamaslik oqibatida Foziltepa ko‘chasidagi “Bog‘ishamol” istirohat bog‘i ro‘parasida uchta Matiz, Damas va Nexia oldinma-ketin to‘qnashgan.
Izoh (0)