AQShning O‘zbekistondagi elchixonasi ayollar va qizlar uchun o‘z-o‘zini himoya qilish bo‘yicha bepul mashg‘ulotlarni ochmoqda. Bu haqda elchixona matbuot xizmati xabar berdi. AQSh xalqaro sport almashinuvi dasturining bitiruvchilari professional instruktorlar bilan fudokan karate-do bo‘yicha kurslarni o‘tkazadi.
Ma’lum qilinishicha, mashg‘ulotlar 2021-yil noyabr oyidan boshlab Makro supermarketlar tarmog‘i tomonidan yordam sifatida ta’minlanadigan zamonaviy sport zalida uch oy davomida o‘tkaziladi. Mashg‘ulotlarning aniq boshlanish sanasi bo‘yicha ma’lumot tanlab olingan barcha ishtirokchilarga qo‘shimcha ravishda yetkaziladi. Ikkita yosh oralig‘i bo‘yicha tuziladigan guruhlarning har biridagi ishtirokchilar soni 30 kishidan oshmaydi.
- A guruhi: 13 yoshdan 18 yoshgacha bo‘lgan qizlar – dushanba, chorshanba va juma soat 15:00 dan 16:00 gacha;
- B guruhi: 18 yoshdan oshgan ayollar – dushanba, chorshanba va juma soat 21:00 dan 22:00 gacha.
Ishtirokchilar o‘z-o‘zini himoya qilish ko‘nikmalaridan tashqari, nizolarni hal qilish, ochiq muloqot va stressni boshqarish usullarini o‘rganadi.
Mashg‘ulotlar jismoniy tayyorgarlik darajasidan yoki oldingi mashg‘ulot tajribasidan qat’iy nazar, 13 yoshdan oshgan qizlar va ayollar uchun mo‘ljallangan.
O‘zini himoya qilish bo‘yicha mashg‘ulotlarning birinchi bosqichida qatnashish uchun ushbu havola orqali ro‘yxatdan o‘tish lozim. o‘tishi kerak. Arizalarni qabul qilishning oxirgi muddati — 2021-yil 8-oktabr.
Avvalroq Mahalla va oilani qo‘llab-quvvatlash vazirligi huzurida Ayollarni reabilitatsiya qilish va moslashtirish respublika markazi va uning hududiy bo‘limlariga 2021-yilning 6 oyi davomida jami 5 958 nafar fuqaro murojaat qilgani, shundan 5 348 nafari (89,7 foizi) ayol, 393 nafari (6,6 foizi) erkak va 217 nafari (3,6 foizi) 18 yoshgacha bo‘lgan bolalar ekani to‘g‘risida xabar berilgandi.
Izoh (0)