Atlantika okeanida ma’lumotlar yig‘ishga mo‘ljallangan kamera va datchiklarga ega maxsus yelkanli qayiqlar suzib yuradi. Ulardan biri yaqinda 4-toifali dovul ichida bo‘lib, tabiat hodisasini tasvirga olishga muvaffaq bo‘ldi, deb xabar beradi Hi-Tech.Mail.ru.
Dovul 22-sentabr kuni Atlantika okeanida hosil bo‘lgan va “18” tartib raqami bilan belgilangan. Bir necha kun ichida u dovullarning mavjud 5 toifasi bo‘yicha 4-toifaga qadar kuchaygani sabab unga “Sem” nomi berilgan.
30-sentabr kuni Saildrone Explorer SD 1045 qayig‘i dovul markaziga yo‘naltirilgan bo‘lib, u balandligi 16 metr keladigan to‘lqinlar va soatiga 190 kilometr tezlikdagi shamolga duch kelgan. Mustahkam konstruksiya apparatga bu kabi sharoitda ham suzish imkonini bergan.
Saildrone Explorer SD 1045 bortiga harorat, havo namligi, tezlik, shamol yo‘nalishi, shuningdek, suvning sho‘rligini kuzatib boradigan kamera va datchiklar o‘rnatilgan. Apparat yordamida to‘plangan ma’lumotlar olimlarga dovullarning tez kuchayishining oldidan prognoz qiluvchi modellarni yaxshilash imkonini beradi.
15 metrli to‘lqinlar tasvirlangan video quyidagicha:
Ta’kidlanishicha, bu kompyuter simulyatsiyasi emas, balki dovul markazidagi haqiqiy kadrlar. Olimlar uni birinchi bor qo‘lga kiritishga muvaffaq bo‘lgan. Shu yerdan olingan yana bir video:
Izoh (0)