Toshkent shahrida joylashgan Faw Bestune rasmiy avtosalonida premium toifasidagi yangi elektr krossoverning taqdimoti bo‘lib o‘tdi. Avtomobil Hongqi E-HS9 deb nomlanadi va Faw kompaniyasi tomonidan ishlab chiqarilgan.
Xitoyning Hongqi brendi ostida ilgari faqat Xitoy hukumati uchun limuzinlar va qimmatbaho mashinalar ishlab chiqarilgan. Biroq Faw kompaniyasi so‘nggi yillarda bozor uchun ham avtomobillarni ishlab chiqarishni boshladi.
E-HS9 avtomobilining o‘lchamlari 5209 x 2010 x 1731 millimetr, g‘ildirak bazasi esa 3110 millimetrni tashkil qiladi. Xaridorlarlarning ixtiyoriga ko‘ra, avtomobil 4 yoki 7 o‘rinli salonga ega bo‘lishi mumkin.
Avtomobilning interyeri qimmatbaho charm va noyob materiallar bilan bezatilgan. Salonning old qismida o‘rnatilgan to‘rtta monitor har bir insonning e’tiborini o‘ziga jalb qiladi, yo‘lovchilarning qulayligi uchun salonning orqa qismida uchta sifatli monitor o‘rnatilgan.
Krossover 218 va 333 ot kuchiga ega ikkita elektr motor bilan jihozlangan. Avtomobil bitta zaryad bilan 500 kilometrdan ortiq masofani bosib o‘ta oladi.
E-HS9 unutilmas tashqi ko‘rinishga ega. Zamonaviy texnologiyalar va yechimlar klassik elementlar bilan uyg‘unlashgan. E-HS9 modelining tashqi ko‘rinishi Rolls-Royce kompaniyasining bosh dizayneri Jayls Teylor boshchiligidagi guruh tomonidan ishlab chiqilgan.
Shuningdek, krossover moslashuvchan amortizatorli pnevmatik tizim bilan ham jihozlangan. Haydovchi o‘zining qulayligi uchun yettita haydash rejimidan birini tanlashi mumkin. Bundan tashqari, haydovchi va yo‘lovchilarning xavfsizligi uchun moslashuvchan avtopilot tizimi, kruiz nazorati tizimi va haydovchining holatini doimiy nazorat qiluvchi sensorlar o‘rnatilgan.
Faw Bestune rasmiy avtosalonidan Hongqi E-HS9 premium krossoveridan tashqari yana bir qator qiziqarli modellarni xarid qilishingiz mumkin. Jumladan, hozirgi kunda Bestune Nat elektromobilini xarid qilish uchun shartnoma tuzish imkoniyati mavjud. Bestune Nat modeli budjet sinfiga oid model bo‘lib, uning narxini hozirgi kunda O‘zbekistonda sotilayotgan Chevrolet Tracker, Hyundai Creta yoki Kia Seltos avtomobillarining qiymati bilan taqqoslash mumkin. Lekin uning kattaligi Chevrolet Eqiunox va Hyundai Tucson modellaridan qolishmaydi. 5 kishilik elektromobil to‘liq zaryad bilan 420 kilometr masofani bosib o‘tishi mumkin. Shuningdek, elektromobilning zaryadini uy sharoitida to‘ldirish uchun atigi 17 000 so‘mlik elektr energiyasi sarflanadi. Mabodo Bestune Nat elektromobilida yo‘l tirbandligida qolib ketsangiz ham quvvat tugab qolishidan xavotir olmaysiz, rekuperativ to‘xtash texnologiyasi sarflangan energiyani qayta tiklaydi va siz harakatni yana davom ettirishingiz mumkin. Bundan tashqari, Bestune Nat elektromobilini xarid qilish orqali siz dvigatel va uzatish qutisi bilan bog‘liq ko‘plab xarajatlar haqida unutasiz.
E’tiborli jihati, E-HS9 va Bestune Nat modellarini xarid qilganingizdan so‘ng servis xizmati yoki ehtiyot qismlari bilan bog‘liq muammolar sizni qiynamaydi. Avtomobillar uchun Faw kompaniyasining O‘zbekistondagi rasmiy dileri tomonidan 5 yil yoxud 150 000 kilometr rasmiy kafolat beriladi. Avtosalon hududida litsenziyalangan servis markazi va barcha zarur ehtiyot qismlari mavjud.
Telefon raqamlari: +99897 444 40 94, +99897 444 40 91
Sayt: faw-bestune.uz
Facebook: https://www.facebook.com/bestune.uz
Instagram: bestune_hongqi
Telegram: bestune_hongqi
Reklama huquqi asosida.
Izoh (0)