O‘zbekistonda 14—20-oktabr kunlari prezidentlik saylovida muddatidan oldin ovoz berish mumkin bo‘ladi. Bu haqda Markaziy saylov komissiyasi axborot xizmati xabar berdi.
Ma’lum qilinishicha, saylov kuni o‘z yashash joyida bo‘lish imkoniyatiga ega bo‘lmagan saylovchi muddatidan oldin ovoz berish huquqiga ega.
Muddatidan oldin ovoz berish uchun saylovchi sababini ko‘rsatgan holda tegishli saylov uchastkasiga ariza bilan murojaat qiladi. To‘ldirilgan saylov byulleteni yopiq konvertda, tegishli USKning seyfida saqlanadi.
Ma’lumot uchun, Prezident saylovi 24-oktabr kuni o‘tkaziladi. Saylovga jami 300 milliard so‘m, har bir nomzodga esa 3 milliard so‘mdan ajratiladi.
Bundan avval chet eldagi O‘zbekiston fuqarolari uchun 49 ta davlatda statsionar va ko‘chma saylov uchastkalari tashkil etilishi, O‘zbekiston Prezidenti saylovlarini o‘tkazish uchun saylov okruglari tashkil etilgani to‘g‘rsida xabar berilgandi.
Izoh (0)