Jeyms Bond haqidagi yangi film taqdimoti bo‘lib o‘tdi (foto)

2021-yil 28-sentabr kuni Londondagi Albert-xoll zalida Jeyms Bondning “O‘lish vaqti emas” nomli yangi filmning premyerasi bo‘lib o‘tdi. Qizil yo‘lakda yangi kartinadagi bosh rol ijrochilari paydo bo‘ldi. Shuningdek, premyeraga Kembrij gersoglari – Keyt Middlton va shahzoda Uilyam, qolaversa, Kornuol gersogi shahzoda Charlz va uning rafiqasi Kamilla ham tashrif buyurdi.

Kembrij gersoginyasi oqshom uchun Jenny Packham’dan tillarang pistonli matodan tikilgan libosni tanladi. U tashqi ko‘rinishini katta Onitaa ziraklari bilan boyitdi. Bu tanlov malika Diana 1985-yilda Bond haqidagi “A view to kill” filmining premyerasi uchun tanlagan libosga hurmat edi. Shahzoda klassik smoking, oq ko‘ylak va bo‘yinbog‘ taqqan obrazda tashrif buyurdi.

Filmda Bond rolida oxirgisi bo‘lgan aktyor Deniyel Kreyg bir vaqtning o‘zida ikkita tendensiyani, ya’ni pushti rangdagi baxmal kostyumni uyg‘unlashtirdi.

Filmning saundtrekini kuylagan Billi Aylish premyeraga akasi Fineas bilan keldi. Aytgancha, u musiqa muallifi hisoblanadi. Xonanda qizil oqshom uchun qora pijama uslubidagi Gucci kostyumini tanladi.

Kechaning yulduzi aktrisa Ana de Armas bo‘ldi. U Louis Vuitton’dan uzun duxobali ko‘ylakda ajoyib ko‘rinishda paydo bo‘ldi. Bond haqidagi 25-filmning premyerasida Lashana Linch, Judi Dench va Ben Uishou ham ishtirok etdi.

Jeyms Bond haqidagi “O‘lish vaqti emas” yangi filmining jahon premyerasida Fibi Uoller-Bridj, Rami Malek, Naomi Xarris, Mishel Yeo, Emma Radukanu va boshqa yuldulzarni ham ko‘rish mumkin.