IIV YHXBB ijtimoiy tarmoqlarda tarqalgan Qashqadaryoda Damas avtomobili yonib ketgani tasvirlangan video bo‘yicha ma’lumot berdi.
Ma’lum qilinishicha, 29-sentabr kuni soat 22:45 larda viloyatning Shahrisabz tumani hududidan o‘tgan M-39 avtomobil yo‘lining 1176-kilometrida 22 yoshli O.Q. boshqaruvidagi Damas avtomobilda harakat vaqtida qisqa tutashuv va uning ortidan yong‘in yuzaga kelgan.
Haydovchi to‘xtagan va o‘zi zudlik bilan avtomobildan tushgan.
Yong‘in o‘t o‘chiruvchilar tomonidan o‘chirilgan. Hodisa natijasida tan jarohati olganlar yo‘q. Mazkur holat yuzasidan Shahrisabz tuman FVB va YHXB xodimlari tomonidan surishtiruv olib borilmoqda.
Avvalroq Buxoroda to‘xtab turgan Cobalt’da yong‘in chiqqani, Namanganda Spark, Jizzaxda “KamAZ” yonib ketgani hamda Qarshida harakatlanib ketayotgan Lacetti’da yong‘in chiqqani haqida xabar berilgandi.
Izoh (0)