Toshkent shahrida Cobalt va Matiz ishtirokida sodir bo‘lgan yo‘l-transport hodisasi oqibatida haydovchilardan biri jarohat oldi, deb xabar beradi poytaxt IIBB axborot xizmati.
Ma’lum qilinishicha, 27-sentabr kuni soat 21:15 larda Toshkent shahar Mirzo Ulug‘bek tumani Shahrisabz va Mustaqillik ko‘chalari kesishmasida 32 yoshli J.S. boshqaruvidagi Cobalt 35 yoshli R.A. boshqaruvidagi Matiz bilan to‘qnashuv sodir etgan.
To‘qnashuv oqibatida Matiz rusumli transport vositasi ag‘darilib ketgan va uning haydovchisi tan jarohati olgan. Unga tibbiy yordam ko‘rsatilgan.
Dastlabki ma’lumotga ko‘ra, yo‘l-transport hodisasi sodir etilishiga harakatlanish chog‘ida svetoforning taqiqlovchi belgisiga rioya etilmagani sabab bo‘lgan.
Avvalroq Navoiyda boshqaruvni yo‘qotgan Nexia ag‘darilib ketishi oqibatida haydovchining salonda bo‘lgan 75 yoshli onasi vafot etgani to‘g‘risida xabar berilgandi.
Izoh (0)