O‘zbekiston 2021-yilning yanvar-avgust oylarida xorijga qiymati 19,3 million dollarga teng bo‘lgan 69,7 ming tonna qovun va tarvuz eksport qilgan. Bu haqda Davlat statistika qo‘mitasi ma’lum qildi.
Qayd etilishicha, ushbu poliz mahsulotlari 20 ta xorijiy davlatlar bozoriga yetkazib berilgan bo‘lib, eksport hajmi 2020-yilning mos davriga nisbatan 9,5 ming tonnaga kamaygan.
O‘tgan 8 oy mobaynida O‘zbekiston eng ko‘p qovun va tarvuz eksport qilgan davlatlar:
- Qozog‘iston — 29,2 ming tonna;
- Rossiya — 19,2 ming tonna;
- Qirg‘iziston — 10,2 ming tonna;
- Ukraina — 4,9 ming tonna;
- Latviya — 2,3 ming tonna;
- Belarus — 1,3 ming tonna;
- Tojikiston — 960,8 tonna;
- Germaniya — 939,4 tonna.
Izoh (0)