Barrett-Jackson auksionida 1979-yilda ishlab chiqarilgan Porsche 928 modeli rekord qiymatda sotildi. Noyob sportkar bosh qahramoni Tok Kruz bo‘lgan “Tavakkalchilikka asoslangan biznes” filmida suratga tushgan. Kupe uchun qariyb 2 million dollar to‘langan, deb xabar beradi Motor.

Foto: Barrett-Jackson

Mazkur Porsche 928 konveyerdan 1979-yilda chiqqan va dastlab oq rangda bo‘lgan. Oradan ikki yil o‘tgach, “Tavakkalchilikka asoslangan biznes” filmi uchun kupe maxsus bronza rangiga bo‘yalgan. Suratga olish ishlari vaqtida bir nechta bir xil sportkarlardan foydalanilgan, ammo auksion uyi vakillarining so‘zlariga ko‘ra, aynan ushbu Porsche kadrlarda ko‘proq ko‘rsatilgan. Bundan tashqari, Tom Kruz ushbu mashinada effekti quvish jarayonida ishtirok etgan bo‘lib, u zamonaviy kinematografiya tarixidagi eng mashhur avtomobil sahnalaridan biriga aylangan.

Foto: Barrett-Jackson

Foto: Barrett-Jackson

Suratga olish ishlari yakunlangach, Porsche 928 o‘n yilga yo‘qolib qolgan. Sportkar 1990-yillar boshida topilgan. Avtomobil zudlik bilan to‘liq restavratsiyadan o‘tkazilgan, shundan so‘ng mashina ko‘plab tadbirlarda qatnashgan, shuningdek, jahon muzeylarida eksponat sifatida chiqish qilgan. Modelning yana bir o‘ziga xos jihati aynan ushbu Porsche’da yosh Tom Kruz birinchi bor mexanik uzatmalar qutisidan foydalanishni o‘rgangan.

Foto: Barrett-Jackson

Porsche 928 kapoti ostidan 240 ot kuchiga ega 4,5 litrli V8 dvigateli o‘rin olgan bo‘lib, u besh pog‘onali mexanik uzatmalar qutisi yordamida boshqariladi. Sportkar saloni tabiiy jigarrang charmdan ishlangan. Noyob avtomobil uchun kimligi sir qolishini so‘ragan kolleksioner 1,98 million dollar to‘lagan. Shu orqali model Porsche 928 tarixidagi eng qimmat avtomobilga aylandi.

Foto: Barrett-Jackson

Foto: Barrett-Jackson

Avvalroq “Forsaj” bosh qahramoniga tegishli Toyota Supra auksion orqali rekord qiymatda sotilgani to‘g‘risida xabar berilgandi.