O‘zbekistonda qaysi viloyatdagi oilalar eng serfarzand ekanligi ma’lum qilindi

O‘zbekistonda 2021-yil 1-yanvar holatiga ko‘ra 487 586 ta ko‘p bolali oila bor. Bu haqda Davlat statistika qo‘mitasi ma’lum qildi.

Qayd etilishicha, serfarzandlik bo‘yicha Qashqadaryo viloyati respublika hududlari orasida birinchi o‘rinda. Ushbu viloyatda 4 va undan ko‘p bolali oilalar soni 114 959 tani tashkil etmoqda.

Respublika hududlari orasida bu ko‘rsatkich bo‘yicha Navoiy viloyati eng oxirgi o‘rinda. Viloyatda 5336 ta ko‘p bolali oila yashamoqda.

Avvalroq qo‘mita O‘zbekistonda 1-yanvar holatiga ko‘ra, jami 8 871 412 ta oila mavjudligini ma’lum qilgandi. Respublika hududlari orasida eng ko‘p oilalar Farg‘ona viloyatiga to‘g‘ri kelgan.