O‘zbekistonda jismoniy shaxslar yengil avtomobillari soni 2021-yil 1-yanvar holatiga ko‘ra 2 767 126 tani tashkil qilmoqda. Bu haqda Davlat statistika qo‘mitasi matbuot xizmati xabar berdi.

Foto: “Daryo” / Madina Nurman

Yillar kesimida jismoniy shaxslarga tegishli bo‘lgan yengil avtomobillar soni (1-yanvar holatiga):

  • 2016-yil — 1 974 182 ta;
  • 2017-yil — 2 057 331 ta;
  • 2018-yil — 2 133 507 ta;
  • 2019-yil — 2 272 185 ta;
  • 2020-yil — 2 410 421 ta;
  • 2021-yil — 2 767 126 ta.

Avvalroq DSQ O‘zbekistonda 2021-yilning yanvar—avgust holati uchun 100 ta uy xo‘jaligiga to‘g‘ri keladigan yengil avtomobillar soni 50 tani tashkil etgani to‘g‘risida xabar berilgandi.

Iqtisodiy tadqiqotlar va islohotlar markazi ma’lumotlariga ko‘ra, yanvar—avgust oylarida respublika bo‘yicha 122,4 ming dona yangi yengil avtomobil, shundan 6,2 ming dona chet elda ishlab chiqarilgan avtomobil sotildi.